ЯҢАЛЫКЛАР
"Эрмитаж-Казань" күргәзмәләр үзәге 23 август көнне ике еллыгын бәйрәм итә. Әлеге уңайдан каралган бәйрәм тантанасы Казан Кремленең Спас манарасындагы факелчылар чыгышыннан башланып китәчәк. Аларның тынлы оркестр уйнавы астындагы тантаналы йөрешеннән соң, кунаклар эрмитажның үзенә чакырылачак. Биредә һәркемне Петр I, Екатерина II, кытайлыларның Ма Ван исемле ат патшасы, шулай ук, сөйләшә алучы ат каршы алачак.
Иркутск өлкәсенең Байкальск шәһәрендә быел җәй "Байкал сәхнәсе" дип исемләнгән Яшьләр театр фестиваль-лабораториясе эшләде. Аның төп призы Казанга кайтты.
Әлеге проект өстендә эш Хәмит Кутлиев җитәкчелегендәге Мәскәүнең "РЭМ-ГОЛД-ФИЛЬМ" компаниясе тарафыннан быел апрель аенда башланган иде. Фильмдагы җырларның авторы да Хәмит әфәнде. Шулай ук Фәрит Дәүләтшинга "Мосфильм" ширкате һәм Үзбәкстан кинематографислары да ярдәм итә.
Татарстан Министрлар Кабинеты карары белән "Казан Кремле" тарихи-архитектура һәм сәнгать музей-тыюлыгына яңа җитәкче куелды. 3 августта үз көченә кергән карар буенча хәзер тыюлык белән Рамил Хәйретдинов җитәкчелек итәчәк. Элеккеге директор Илдус Вахитов исә июль аенда үз теләге белән эшеннән киткән иде.
24-26 августта Алабуга үзенең 1000 еллыгын бәйрәм итәчәк. Юбилей уңаеннан биредә шәһәрләрне үстерү мәсьәләләренә багышланган халыкара форум да узачак. Аның тантаналы чараларында ТР Президенты М.Шәймиев, РФ Дәүләт Думасы рәисе урынбасары О.Морозов, Гомумроссия бердәм муниципаль берәмлекләр берләшмәсе президенты С.Киричук, ТР Дәүләт Советы рәисе Ф.Мөхәммәтшин, РФ Дәүләт Думасының профильле комитетлары җитәкчеләре, дөньяның егермеләп иленнән төрле оешмалар вәкилләре катнашачак, дип хәбәр итә ТР Мәдәният министрлыгы матбугат хезмәте.
10 сентябрьдән 22 октябрьгә кадәр Казандагы Татарстан Милли музеенда "Ефәк юлы. 5000 еллык ефәк сәнгате" күргәзмәсе узачак. Россиядә Кытай елы кысаларында аны Россия Мәдәният һәм гаммәви коммуникацияләр министрлыгы, Мәдәният һәм кинематография буенча федераль агентлык, "РОСИЗО" Дәүләт музей-күргәзмә үзәге, ТР Мәдәният министрлыгы, Кытай Халык Республикасының Мәдәният министрлыгы, Кытайның милли ефәк музее оештыра.
Татарстанның Г.Тукай исемендәге Татар дәүләт филармониясе карамагындагы ТР Дәүләт халык уен кораллары оркестры сәнгать җитәкчесе һәм баш дирижеры Анатолий Шутиковка Россиянең халык артисты исеменә ия булды. Музыка сәнгатен үстерүгә зур өчеш керткәне өчен әлеге мактаулы исемне бирү турындагы Указга Россия Президенты Владимир Путин 25 июльдә кул куйды.