ЯҢАЛЫКЛАР
5
сентябрь, 2007 ел
чәршәмбе
Казанда быел өченче тапкыр зурлап уздырыла торган "Алтын минбәр" халыкара мөселман киносы фестиваленең кайтавазы елдан-ел ераккарак ишетелә. Казанның меңьеллыгында фестивальдә нибары 12 ил (40 эш) катнашса, быел исә 46 ил (200гә якын эш) теләк белдергән.
2
сентябрь, 2007 ел
якшәмбе
6 сентябрьдә Казан "Алтын мөнбәр" III Халыкара мөселман киносы фестивалендә катнашучыларны һәм кунакларны кабул итәчәк. Бу көнне фестиваль программасындагы фильмнар да күрсәтелә башлый, ә "Мир" кинотеатрында "Татарстан киносы көне" үтәчәк. Билгеле булганча, тантаналы ачылыш исә 7 сентябрьдә сәгать 6да "Пирамида" мәдәни-күңел ачу комплексында узачак.
31
август, 2007 ел
җомга
"Алтын Минбәр" өченче халыкара мөселман киносы фестивален тантаналы шартларда ачачак бөтендөньяга танылган француз актрисасы Катрин Денев башта Мәскәүгә киләчәк. Икенче көнне - 7 нче сентябрьдә исә иртән ул Казанга аяк басачак дип көтелә.
29
август, 2007 ел
чәршәмбе
Татар әдәбияты зур югалту кичерә. 2007 елның 28 августында озакка сузылган каты авырудан соң танылган язучы, тәрҗемәче, күренекле әдәбият белгече һәм текстолог Рәис Нәүширван улы Даутовның йөрәге тибүдән туктады.
Теплоходта татар поэзиясе классигы Дәрдмәнднең (Закир Рәмиев) тормыш һәм иҗатына багышланган күчмә күргәзмә оештырылган. Быелгы сәяхәт исә популяр татар эстрадасы артисты Айдар Галимов иҗатына багышланган. Ул - Башкортстанның һәм Татарстанның атказанган артисты, даими рәвештә хәйриячелек белән шөгыльләнә, татарлар яшәгән төбәкләрдә Татарстан Мәдәният министрлыгы һәм Бөтендөнья татар конгрессы оештырган концертларда еш катнашып килә.
28
август, 2007 ел
сишәмбе
Олҗас Сөләймановның иҗат кичәсе 11 сентябрьдә С.Сәйдәшев исемендәге Дәүләт Зур концерт залында үтәчәк. Кичәдә режиссер Әнвәр Мостафинның Одельша Агишев сценариесе буенча куелган "Олҗас" фильмы күрсәтеләчәк. Шулай ук кинематографистның үзенең чыгышлары һәм "Ах, как интересно было в Петербурге" ("Петербург турында истәлекләр") дигән яңа кинопроекты тәкъдим ителәчәк. Әлеге проектны быел Россиядә һәм Казахстанда төшерә башларга ниятлиләр.
20
август, 2007 ел
дүшәмбе
"Алтын мөнбәр" III Халыкара мөселман киносы фестиваленең жюри составына Ауропа Кино һәм телевидение ассоциациясе генераль продюсеры Инал Шерип керде.
Инал Шерип (Шерипов) 1971 елда Грозныйда туган. 1990нчы елларда "Союзмультфильм" студиясендә композитор булып эшләгән. 1997 елда аның кыска метржалы фильмын ОРТ каналы күрсәтүдән баш тарта.
Инал Шерип (Шерипов) 1971 елда Грозныйда туган. 1990нчы елларда "Союзмультфильм" студиясендә композитор булып эшләгән. 1997 елда аның кыска метржалы фильмын ОРТ каналы күрсәтүдән баш тарта.
16
август, 2007 ел
пәнҗешәмбе
Краснодар шәһәрендә чыгыш ясаучы Казанның В.И.Качалов исемендәге Академия зур драма театрының сәхнәсеннән, чын мәгънәсендә, кырык градуслы эсселек бөркелә. Краснодар драма театрының мең кеше сыйдырышлы тамаша залы көн саен шыгрым тулы, тамашачылар артистларны аягүрә алкышлый, чәчкәләргә күмә, рәхмәт сүзләрен, соклану һәм хөрмәт хисләрен белдерү өчен ишек төпләрендә көтеп тора, дип хәбәр итә ТР Мәдәният министрлыгының матбугат хезмәте. Кубаньда хәзер качаловлыларның яңа дуслары һәм яңа тамашачылары пәйда булды. Алар яратып өлгергән әсәрләрен карарга икешәр, өчәр тапкыр килә.
14
август, 2007 ел
сишәмбе
24 -26 август көннәрендә Казанга сценарийлар язучы һәм режиссер Александр Орлов, танылган актриса Алла Будницкая һәм аның ике туган сеңлесе Екатерина Мальцева килеп китәчәк. Алла Будницкаяның башкалабызга килүе, аның Грободелов фамилиясен йөрткән бабасына кагылышлы мәгълүматлар җыю теләге белән аңлатыла. Кайбер фаразлар буенча, Грободелов берара казан губернаторы булып торган.
13
август, 2007 ел
дүшәмбе
Кабынам да сүнәм,
Кабынам да сүнәм – дип язган иде шагыйрь Нияз Акмал.
Датасы буенча тикшерү
ЯҢАЛЫКЛАРГА ЯЗЫЛУ
Адрес: 420015, Казан шәһәре, Пушкин урамы, 66/33
Телефон:
+7 (843) 264-74-01, 264-74-02
Факс: +7 (843) 292-07-26
E-Mail: mkrt@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз