ЯҢАЛЫКЛАР
24-26 августта Алабуга үзенең 1000 еллыгын бәйрәм итәчәк. Юбилей уңаеннан биредә шәһәрләрне үстерү мәсьәләләренә багышланган халыкара форум да узачак. Аның тантаналы чараларында ТР Президенты М.Шәймиев, РФ Дәүләт Думасы рәисе урынбасары О.Морозов, Гомумроссия бердәм муниципаль берәмлекләр берләшмәсе президенты С.Киричук, ТР Дәүләт Советы рәисе Ф.Мөхәммәтшин, РФ Дәүләт Думасының профильле комитетлары җитәкчеләре, дөньяның егермеләп иленнән төрле оешмалар вәкилләре катнашачак, дип хәбәр итә ТР Мәдәният министрлыгы матбугат хезмәте.
10 сентябрьдән 22 октябрьгә кадәр Казандагы Татарстан Милли музеенда "Ефәк юлы. 5000 еллык ефәк сәнгате" күргәзмәсе узачак. Россиядә Кытай елы кысаларында аны Россия Мәдәният һәм гаммәви коммуникацияләр министрлыгы, Мәдәният һәм кинематография буенча федераль агентлык, "РОСИЗО" Дәүләт музей-күргәзмә үзәге, ТР Мәдәният министрлыгы, Кытай Халык Республикасының Мәдәният министрлыгы, Кытайның милли ефәк музее оештыра.
Татарстанның Г.Тукай исемендәге Татар дәүләт филармониясе карамагындагы ТР Дәүләт халык уен кораллары оркестры сәнгать җитәкчесе һәм баш дирижеры Анатолий Шутиковка Россиянең халык артисты исеменә ия булды. Музыка сәнгатен үстерүгә зур өчеш керткәне өчен әлеге мактаулы исемне бирү турындагы Указга Россия Президенты Владимир Путин 25 июльдә кул куйды.
Татарстан Президенты Минтимер Шәймиев "Алтын мөнбәр" Халыкара мөселман киносы фестивален Казанныкы итәргә тәкъдим итте. Бүген Казан Кремлендә инде өченче фестивальне оештыручылар белән узган очрашуда Минтимер Шәймиев "Алтын мөнбәр" Россиянең генә түгел, бөтен мөселман дөньясының мәдәни тормышында зур вакыйга булырга тиешлеген ассызыклады.
Шимбә көнне Россия Президенты композитор, Н. Җиһанов ис. Казан дәүләт консерваториясе профессоры Леонид Любовскийны 70-еллык юбилее белән котлады.
Татарстанның Дәүләт симфоник оркестры 8 Март - Халыкара хатын-кызлар көне уңаеннан бәйрәм концерты тәкъдим итәчәк.
ТР Дәүләт симфоник оркестрының "Булачак әниләргә..." дип исемләнгән һәм йөкле хатын-кызлар өчен билгеләнгән музыкаль программалар циклы дәвам итә.
Татар театрының 100 еллыгы уңаеннан март аенда Казанда зурлап театрлар фестивале узачак.