"Алтын Мөнбәр" кыссаларында мастер-класслар һәм иҗади очрашулар узачак

2007 елның 31 августы, җомга
"Алтын Минбәр" өченче халыкара мөселман киносы фестивален тантаналы шартларда ачачак бөтендөньяга танылган француз актрисасы Катрин Денев башта Мәскәүгә киләчәк. Икенче көнне - 7 нче сентябрьдә исә иртән ул Казанга аяк басачак дип көтелә. ТР Премьер-министры урынбасары, ТР Мәдәният министры Зилә Вәлиева хәбәр иткәнчә, Катрин Деневка башта шәһәрне күрсәтәчәкләр, аннан соң ул "Алъянс - Францез" оешмасында һәм Татарстан Республикасы Президенты карамагындагы Дәүләт хезмәте институты студентлары белән очрашачак. Кичен "Пирамида" күңел ачу үзәгендә "Алтын Минбәр" фестивалендә катнашачак.
    Фестивальнең тантаналы ачылышында сәламләү сүзе белән ТР Президенты Минтимер Шәймиев чыгар дип көтелә. Тантананы Россиядә танылган актер Аристарх Ливанов алып барачак. Фестивальгә кадерле кунаклар итеп Сирия актеры Гассан Массуд, Россиядән Евгений Миронов, режиссерлар Вадим Әбдрәшитов һәм Станислав Говорухин, кино тәнкыйтьчесе Кирилл Разлогов чакырылган. Мөселман киносы вакытында шагыйрь, язучы һәм тюрколог Олжас Сөләймановның иҗат кичәсе узачак. Анда Европа һәм Азиянең яңа кинопроекты тәкъдим ителәчәк. Фестиваль жюриен кинодраматург, ВГИК профессоры Одельша Агишев җитәкләчәк
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Мөрәҗәгатьләр кабул итү
Адрес: 420015, Казан шәһәре, Пушкин урамы, 66/33
Телефон: +7 (843) 264-74-01, 264-74-02
Факс: +7 (843) 292-07-26
E-Mail: mkrt@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International