Казанда "Алтын мөнбәр" фестивале кысаларында Олҗас Сөләймановның иҗат кичәсе узачак

2007 елның 28 августы, сишәмбе
Казанда "Алтын мөнбәр" III Халыкара мөселман киносы фестивале кысаларында танылган шагыйрь, җәмәгать эшлеклесе, кинематографист Олҗас Сөләймановның иҗат кичәсе узачак. ЮНЕСКО оешмасында Казахстанның тулы вәкаләтле вәкиле Олҗас Сөләймановның иҗат төркеме белән 9 сентябрьдә килеп, республика җитәкчелеге белән очрашуы һәм фестивальнең ябылу тантанасында катнашуы көтелә. Ул шулай ук быелгы фестивальнең җиңүчесенә үзенең бүләген дә тапшырачак. Кунаклар арасында "Матек" студиясенең генераль директоры Мәдинә Сөләймәнова, "Казахфильм" киностудиясенең генераль директоры урынбасары Анара Кашаганова да булачак. Әйтергә кирәк, профессиональ кинематографистның каләменнән төшкән "Земля отцов" ("Аталар җире"), "Синий маршрут" ("Зәңгәр маршрут") фильмнары һәркемгә таныш.
    Олҗас Сөләймановның иҗат кичәсе 11 сентябрьдә С.Сәйдәшев исемендәге Дәүләт Зур концерт залында үтәчәк. Кичәдә режиссер Әнвәр Мостафинның Одельша Агишев сценариесе буенча куелган "Олҗас" фильмы күрсәтеләчәк. Шулай ук кинематографистның үзенең чыгышлары һәм "Ах, как интересно было в Петербурге" ("Петербург турында истәлекләр") дигән яңа кинопроекты тәкъдим ителәчәк. Әлеге проектны быел Россиядә һәм Казахстанда төшерә башларга ниятлиләр.
    Шунысын искәртергә кирәк, Казахстанның рус телле шагыйрен Татарстан белән бик күп нәрсә бәйли. Ике ел элек ул "ТР Фәннәр академиясенең Ш.Мәрҗани исемендәге Тарих институтының мактаулы докторы" дипломы белән бүләкләнгән иде.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Мөрәҗәгатьләр кабул итү
Адрес: 420015, Казан шәһәре, Пушкин урамы, 66/33
Телефон: +7 (843) 264-74-01, 264-74-02
Факс: +7 (843) 292-07-26
E-Mail: mkrt@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International