Татарстан Республикасы Мәдәният министрлыгы

2007 елның 2 сентябре, якшәмбе

6 сентябрьдә Казан "Алтын мөнбәр" III Халыкара мөселман киносы фестивалендә катнашучыларны һәм кунакларны кабул итәчәк. Бу көнне фестиваль программасындагы фильмнар да күрсәтелә башлый, ә "Мир" кинотеатрында "Татарстан киносы көне" үтәчәк. Билгеле булганча, тантаналы ачылыш исә 7 сентябрьдә сәгать 6да "Пирамида" мәдәни-күңел ачу комплексында узачак.
    6 сентябрь көнне Казан аэропортына сәгать 11дә Мәскәүдән 369нчы рейс белән 70ләп кеше килеп төшәчәк. Алар арасында - жюри әгъзалары: Ауропа телевидение Ассоциациясе генераль продюсеры Инал Шерип, Мисыр актрисасы София Аль Амри, драматург, ВГИК профессоры Одельша Агишев, "Россия" каналының "Мусульмане" тапшыруы җитәкчесе Василий Антипов, кунаклардан "Аль Джазира" спутник телеканалы генераль директоры Аббас Тамим, Дабуй Халыкара фестивале директоры Mасуд Амрала Аль Али, режиссер Аким Салбиев (аның "11 писем к богу" фильмы фестивальнең бәйге программасына кертелгән), режиссер Геннадий Акименко ("Учитель ОБЖ"), япон режиссеры Фуджимото Якихиза ("Янки, отправляйтесь домой!"), Норвегия режиссер Лайн Халворсен ("Свобода слова и политическое преследование"), Мисыр режиссеры Рехам Ибраһим Зәки Махмуд Рамадан, Иран режиссеры Аббасиан Мухамад Реза, француз кино тәнкыйтьчесе Сермени Салах, Италия режиссеры Писсино Россела, шулай ук Бахрейн, Кувәйт, Һиндстан, Берләшкән Гарәп Әмирлеге, Катар һ.б. ил кинематографистлары булыр дип көтелә.
    6 сентябрьдә "Татарстан киносы көне" "Мир" кинотеатрында сәгать иртәнге 10да башланачак. Иң элек тамашачылар алдында Татарстан Кинематографистлары берлеге идарә рәисе Ю.Гвоздь, "Казан киностудиясе" ачык акционерлык җәмгыяте генераль директоры М.Михайлов һәм тәкъдим ителүче фильмнарның төшерүчеләре чыгыш ясыячак.
    Шулай итеп, сәгать 10да биредә Энвәр Габдрахмановның балалар цирк мәктәбе турында "Парад-алле" (2006) документаль фильмы, сәгать 11дә режиссер Борис Максимовның "Ласточка цвета жизни" (2006) документаль фильмы, сәгать 12дә Эдгар Бартеневның ненец Яптиков гаиләсе турында "Яптик-хэсе" (2006) документаль фильмы, 13.00дә Раил Садриевнең "Кунак" (2007) комедиясе күрсәтеләчәк.
    Казанның "Сувар-плаза" сәүдә-кунакханә комплексындагы "Grand cinema" кинотеатрында исә бу көнне "Алтын мөнбәр"нең бәйге программасына һәм бәйгедән тыш программага кертелгән фильмнар тәкъдим ителәчәк. Кинотеатрның 1-нче залында сәгать көндезге 3тә Рамил Төхвәтуллинның "Дилемма" фильмы премьерасы булачак. Сценарий авторларының берсе - Айсылу Хафизова. Рольләрдә Әзһәр Шакиров, Индира Төхфәтуллина, Илсия Төхфәтуллина, Рамиль Төхфәтуллин, Руслан Үтәгәнов, Сәед Раинбәков уйный. Сәгать 5тә конкурстан тыш программада Раил Садриевнең "Кунаг"ы, 7дә Салават Юзеевнең "121" (2007) фильмы, сәгать 19.40та Альберт Шакировның "Бабай" (2007) фильмы күрсәтеләчәк.
    3-нче залда кичке сәгать 6да Болгариянең режиссерлар һәм кинематографистлар ассоциациясе әгъзасы, кинооператор, режиссер, сценарийлар авторы Радослав Спасов Татарстан кинематографистлары өчен мастер-класс уздырачак. Сәгать көндезге 2дән кинотеатр фойесында кинематография темасына багышланган карикатуралар күргәзмәсе эшли башлаячак һәм Е.Алексееваның "Развитие и
    становление кинематографа в Казани и Казанской губернии (1897-1917
    г.г.)" китабы тәкъдир ителәчәк.

БАРЛЫК ЯҢАЛЫКЛАРНЫ УКУ

6 сентябрьдә Казанга "Алтын мөнбәр" кунаклары киләчәк