Казанга "Болгарга сәяхәт" XV Республикара мәдәни программасында катнашучылар килде

2007 елның 29 августы, чәршәмбе
Бүген иртә белән Казанга "Болгарга сәяхәт" XV Республикара мәдәни программасында катнашучылар аяк басты. "Габдулла Тукай" теплоходында бу юлы да күрше Башкортстан Республикасыннан күп санлы иҗади интеллигенция вәкилләре, җәмәгать эшлеклеләре, эшмәкәрләр, гаммәви мәгълүмат чаралары, студент яшьләр килде. Алар арасында җырчы Фәридә Кудашева, композитор Нур Даутов, Ризван Хәкимов, башкорт прозаигы Тайфур Сәгыйтов, шагыйрь Марат Кәбиров, журналист Рәүф Идрисов, шулай ук Чиләбе, Самара, Свердлау, Самара өлкәләреннән дә делегацияләр, җырчылар һәм ансамбльләр бар.
    Теплоходта татар поэзиясе классигы Дәрдмәнднең (Закир Рәмиев) тормыш һәм иҗатына багышланган күчмә күргәзмә оештырылган. Быелгы сәяхәт исә популяр татар эстрадасы артисты Айдар Галимов иҗатына багышланган. Ул - Башкортстанның һәм Татарстанның атказанган артисты, даими рәвештә хәйриячелек белән шөгыльләнә, татарлар яшәгән төбәкләрдә Татарстан Мәдәният министрлыгы һәм Бөтендөнья татар конгрессы оештырган концертларда еш катнашып килә.
    Бүген кичке 4нче яртыда теплоходта Башкортстан һәм Татарстан язучылары, җәмәгать эшлеклеләре белән "түгәрәк өстәл" узачак.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Мөрәҗәгатьләр кабул итү
Адрес: 420015, Казан шәһәре, Пушкин урамы, 66/33
Телефон: +7 (843) 264-74-01, 264-74-02
Факс: +7 (843) 292-07-26
E-Mail: mkrt@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International