ЯҢАЛЫКЛАР
Бүген сәгать 15.00 тә Татарстан Республикасы Милли музееның икенче катында “Казан татарларының декоратив-кулланма сәнгате: тарих һәм бүгенге чор” дип аталган күргәзмә ачыла. Тәкъдир итү кичәсе “Россия музейларында ислам мирасы: киңлек чикләре һәм үрнәкләр” фәнни-гамәли конференциясе кысаларында узачак.
11 декабрьдә Казанда татар әдәбиятының классигы, җәмәгать эшлеклесе Гаяз Исхакыйның тууына 130 ел тулуга багышланган чаралар үтәчәк.
10 нчы декабрь көнне сәгать 12.00 дә ТР Мәдәният министрлыгы бинасында җырчы Алсуның татар телендәге “Туган тел” (“Родная речь”) дип аталган яңа альбомын тәкъдир итүгә багышланган матбугат конференциясе үтәчәк.
Татарстанның авыл мәктәпләрендә, район үзәкләре һәм кечкенә шәһәрләрнең кинотеатрларында ай буе Айдар Хәлим повесте буенча “Риваять” кинокомпаниясе төшергән татар телендәге “Өч аяклы ат” фильмы күрсәтеләчәк. Фильмны Чаллы, Бөгелмә, Чистай, Алабуга, шулай ук республиканың 33 муниципаль районының яшь тамашачылары күрә алачак.
5 нче декабрь көнне 15.00 сәгатьтә “Хәзинэ” Милли сәнгать галереясендә “Шигъри келәм” дип аталган әдәби кичә үтәчәк.
2008 елның 6 июненнән алып 30 сентябрьгә кадәр Татарстан Республикасы Милли музеенда “Могҗизалар һәм ачышлар дөньясы” исемле күргәзмә эшлиячәк.
2008 елның 16 маенда 14 сәгатьтә Габдулла Тукайның әдәби музеенда Гаилә елына багышланган “Габдулла Тукай җәмгыятьнең әхлакый нигезләре турында: шагыйрь иҗаты ХХI гасыр рухи кыйммәтләре яктылыгында” дигән Тукай укулары узачак.