ЯҢАЛЫКЛАР

22 февральдә 16.00 сәгатьтә “Хәзинә” милли сәнгать галереясендә рәссам Бакый Урманченың 115-еллыгына багышланган күргәзмә ачыла.

22 февральдә 12.00 сәгатьтә М.Җәлил исемендәге Опера һәм балет театрында Татарстан Республикасы Президенты Рөстәм Миңнеханов катнашуында Ватанны саклаучылар көненә багышланган тантаналы чара уздырыла.

Россия Федерациясе Мәдәният министрлыгы илебез театрларына Россия драматургларының яңа әсәрләрен сәхнәгә куюда ярдәм итү максатларында хәзерге заман драматургиясенә булышлык күрсәтү буенча еллык конкурс уздыру турында игълан итә.

Казанның Әүхәдиев исемендәге музыка көллияте «Tat-ARS-Tan» тынлы уен коралларында уйнаучы яшь музыкантларның төбәкара конкурсын уздыра. Чара 25, 26 февральдә була.

20-26 февральдә Татарстан Республикасы Милли музеенда Масленицага багышланган атналык («Госпожа честная Масленица») уза.

21 февральдә 11.00 сәгатьтә Яңа Чишмә районы Зирекле авылының халык иҗаты һәм көнкүреше музеенда “Борынгылыкны саклаучы” клубы утырышы уза.

9–12 февральдә «Ак юл, яки Рус одиссеясе» музей проекты кысаларында Тарихи-документаль экспедициядә катнашучылар Кытайның Харбин шәһәрендә булдылар.

Иран Ислам Республикасының Казандагы Генераль Консулы Багернежад Шаян Татарстан Республикасы мәдәният министры Айрат Сибагатуллинга Иран Ислам Республикасының мәдәният атналыгын уздыру эшендәге хезмәттәшлеге, шулай ук Мәдәният һәм ислам багланышлары оешмасы каршындагы “Хатын-кызлар һәм гаилә эшләре департамаенты” җитәкчесе Хиджази ханымның визиты программасын әзерләүдә булышлыгы өчен Татарстан Республикасы мәдәният министры Айрат Сибагатуллинга рәхмәтен җиткерде.

2012 елның 18-21 маенда Шэньчжэнь күргәзмә үзәгендә еллык Шэньчжэнь халыкара сәнгать ярминкәсе уза.

«Татарлар Бельгиядә» берлеге рәисе Лилия Вәлиева Татарстан Республикасы мәдәният министры Айрат Сибагатуллинга Бельгиядә К.Тинчурин исемендәге Татар Дәүләт драма һәм комедия театры гастрольләрен уздыруга булышлык күрсәтүе һәм Европада татар мәдәниятен үстерүгә өлеш кертүе өчен рәхмәтен җиткерде.