ЯҢАЛЫКЛАР
5 декабрь 18:30 сәгатьтә Г.Тукай исемендәге Татар дәүләт филармониясендә «Филармониада» XV Халыкара сәнгать фестивале ачылачак. Концертны уникаль пианист, вокалчы һәм композитор Олег Аккуратов һәм Татарстан Республикасы Филармоник джаз-оркестры ачачак. «Россиянең джаз таланты» программасында: вокал һәм инструменталь джаз импровизацияләре, чит ил, Россия һәм Татарстан композиторлары әсәрләре яңгыраячак.
2022 елның 1 декабрендә 10:00 сәгатьтә Казан тимер юлчылар мәдәният сараенда «НУР - 2022» Бөтенроссия фестивален ачу тантанасы булачак.
29 ноябрь 17:00 сәгатьтә Боратынский музеенда Петербург рәссамнары Николай Данилевский һәм Наталья Ходячева рәсемнәре һәм графикасыннан торган «Язма китап» күргәзмәсе ачылачак.
Мәскәүдә «Зураб Церетелиның сәнгать галереясы» Россия сәнгать академиясенең Музей-күргәзмә комплексында «Көнчыгыштан нур» күргәзмәсен ачу тантанасы узды.
26 ноябрь «Зарядье» концертлар залында, ә аннан элегрәк Мәскәүнең Композиторлар йортында һәм Казанның 5 нче номерлы балалар музыка мәктәбендә Рәшит Кәлимуллин музыкасына «Музыкаль сәяхәт» интерактив спектакле үтте, чара «Россия композиторлары - балаларга» проекты кысаларында гамәлгә ашырылды.
27 ноябрьдә Кәрим Тинчурин театрының Удмуртиянең Ижау шәһәрендә зур гастроле узды. Гастроль татар театрына нигез салучыларның берсе, драматург Кәрим Тинчуринның 135 еллыгы уңае белән оештырылды.
А.В.Баталов исемендәге Бөгелмә дәүләт рус драма театры сәхнәсендә чираттагы премьера үтте. 88 нче театр сезоны башында бу өченчесе.
"Созвездие-Йолдызлык" Арт-резиденциясе беренче тапкыр Россия милли республикаларының рус театрлары һәм чит илләрнең "Дуслык күпере" халыкара фестивалендә катнашты. Проект 19 нчы тапкыр уздырыла һәм быел ул Йошкар-Олада старт алды.
Бүген Мәскәүдә Россия ИКОМ Халыкара музейлар берлеге комитетының гомуми җыелышы узды. Җыелышта Россия комитетының яңа президенты сайланды. Президент култыгына быел "Гатчина" Дәүләт музей-тыюлыгы директоры Василий Юрий улы Панкратов лаек булды.
Шулай ук Россия ИКОМ комитеты Президиумының яңа составы сайланды. Яңа президиум составына Татарстанның ике вәкиле - "Зөя утрау-шәһәрчеге" дәүләт музей-тыюлыгы директоры Артём Николай улы Силкин һәм Алабуга дәүләт музей-тыюлыгы директоры Гөлзада Рәкыйп кызы Руденко керде.
2022 елның 27 ноябрендә 18.00 сәгатьтә С.Сәйдәшев исемендәге Дәүләт зур концертлар залында Юрий Башмет һәм «Мәскәү солистлары» Камера ансамбленең Хәйрия концерты булачак. Концерт «Мәскәү солистлары» Камера ансамбленең 30 еллыгына багышланган турне кысаларында уза.