ЯҢАЛЫКЛАР
2023 елның 22 июненнән 23 июненә кадәр Казанда начар күрүче инвалидларның һәм аларның дуслары -ярдәмче этләре катнашында Төбәкара ачык «Ике йөрәк янәшә - адымнан адымга эндәшә» дип аталган тернәкләндерү фестивале узачак.
Татарстан делегациясенең Әзербәйҗанга визиты вакытында ТР Рәисе Р.Н. Миңнехановка Газиз Гобәйдуллинның "Татарлар трихыннан" дип исемләнгән тарихи язмалар җыентыгын бүләк иттеләр. 1925 елда нәшер ителгән китапның тиражы нибары 100 данә тәшкил иткән. Әлеге китап ТР Вәкиллеге хезмәткәре Эльмира Сөләйманова Йосыфлы тарафыннан бүләк ителде.
«Тархан» тарихи-мәдәни бәйгесенең икенче сезоны финалы Казан Кремлендә республиканың биш районыннан өлкән сыйныф укучыларын җыйды.
18 июньдә беренче тапкыр Яр Чаллы шәһәренең "Азатлык" мәйданы амфитеатры сәхнәсендә уникаль вакыйга булды! Халык һәм шәһәр кунаклары өчен саф һавада open-air форматында Яр Чаллы шәһәренең Орган залы солистлары башкаруында академик музыка яңгырады.
18-24 июнь һәм 16-22 июль көннәрендә Татарстан Республикасында «Буяне утравында» исеме астында Бөтенроссия пленэр -бәйге узачак. Анда Россиянең 23 төбәгеннән 450 педагог-рәссам һәм аларның укучылары катнашачак. Халыкара педагог-рәссамнар берлеге күп еллар пленэр практикалар һәм стажировкалар оештыру белән шөгыльләнә, аларның максаты Россия төбәкләренең мәдәни һәм табигый ядкәрләрен өйрәнү, сәләтле балаларга һәм аларның педагогларына ярдәм итү, яшь талантларга һөнәри юнәлеш бирү.
«Геройларның хатыннары» проектында катнашучылар һәм Ватан ветераннарының гаилә комитеты вәкилләре С.Сәйдәшев исемендәге ДЗКЗ «Союзмультфильм» мультконцертларының ел саен уздырыла торган дүртенче хәйрия фестивалендә булдылар.
2022 елда Россия Федерациясе Президенты В.В.Путин Указы белән халык сәнгать һөнәрләрен саклау, үстерү һәм аларга ярдәм итү максатында Халык сәнгать һөнәрләре көне булдырылды. Быел бәйрәм 18 июньгә туры килде.
Сәнгать өлкәсендә бөтенроссия яшүсмерләр олимпиадасының «Россиянең яшь сәләтлеләре» бөтенроссия конкурсының II турына йомгак ясалды.
Татарстан Республикасында «Яшь рәссамнар әсәрләрендә педагоглар һәм остазлар образы» бөтенроссия күргәзмә-конкурсының I турына (төбәк этабына) йомгак ясалды.
21 июльдән 29 июльгә кадәр Самара өлкәсенең Мастрюков күлләре фестиваль аланы территориясендә iВолга яшьләр форумы узачак.