ЯҢАЛЫКЛАР

Кичә ТР мәдәният министры Ирада Әюпова Идел буе дәүләт физик культура, спорт һәм туризм университетында узган «Игелекле Татарстан» республика конкурсының бүләкләү тантанасында катнашты. Анда төрле юнәлешләрдә катнашучы иң яхшы волонтерларны билгеләделәр, шулай ук республикада иң яхшы изгелек кылучыны сайладылар.

Иң яхшы мәдәният волонтеры дип Ожегова Софья Сергей кызы табылды, ул Казан дәүләт мәдәният институты студенты. Волонтерлык өлкәсендә «Игелекле Татарстан» республика премиясе быел беренче тапкыр үткәрелә.

“Созвездие-Йолдызлык” арт-резиденциясе командасы Татарстан шәһәрләре буенча беренче гастроль турыннан кайтты. Арча һәм Питрәчтә ул “Рус шигъриятенең ерак һәм якын алтын гасыры” дип исемләнгән әдәби-музыкаль программаны тәкъдим итте.

Татарстан халкы арасында үткәрелгән тавыш бирү нигезендә, "Дәүләт хезмәтләре" порталында 19 ачык максаттан 7 иң өстенлекле максатлар сайлап алынды.

Сезнең игътибарга әлеге максатларны тәкъдим итәбез:

1. Сәламәтлекләре чикләнгән кешеләр өчен мәдәният өлкәсендә инклюзив ял итү һәм белем бирү максатын тормышка ашыруда 20дән дә ким булмаган мәдәни-ял итү тибындагы һәм өстәмә белем бирү учреждениеләрен махсус җиһазлар белән тәэмин итү;

2. Татарстан  Республикасының барлык муниципаль районнары һәм шәһәр округлары территориясендә әдәби сәнгать өлкәсендә балалар мәдәни-танып-белү проектын гамәлгә ашыру;

3. Татарстан  Республикасының 200 гомум белем бирү мәктәпләрендә һәм өстәмә белем бирү учреждениеләрендә классик акварель буенча дәресләр һәм мастер-класслар үткәрү;

4. Татарстан  Республикасы дәүләтнеке булмаган оешмалар һәм физик затлар тарафыннан мәдәният өлкәсендә гамәлгә ашырыла торган грант проектлары санын 20% ка арттырырга;

5. Дәүләт (муниципаль) мәдәният учреждениеләре белән кооперациядә иҗади яшьләр белән эшләүнең яңа формаларын гамәлгә ашыру буенча кимендә 10 проектны гамәлгә кертү;

6. Татарстан  Республикасы язучылары турында  бердәм электрон мәгълүмат базасын булдыру (нәшер ителгән әсәрләрен күрсәтү) һәм 2022 елда кимендә 100 язучы турында мәгълүмат урнаштыру;

7. Популяр цифрлы платформаларда музыка тыңлау өчен 500дән дә ким булмаган татар классик әсәрләрен урнаштыруны тәэмин итү.

ТР Мәдәният министрлыгының киләсе елга эш юнәлешләрен сайлауда 2021 елның 8 ноябреннән 7 декабренә кадәр барлыгы 3 439 кеше катнашты.

Киләсе елда Министрлык квартал саен максатларның үтәлеше турында хисап тотачак.

Күренекле журналист, Россия журналистлар берлеге һәм Россия театр әһелләре берлеге әгъзасы Зимфира Заһид кызы Гыйльметдинова вафат.

21 декабрь Казанның «Мир» кинотеатры «Кыска метражлы кино көне - 2021» Бөтенроссия акциясенә кушылачак. Башлана-18:00 сәг, дәвамы – 79 минут.

«Әкият» татар дәүләт курчак театрында Яңа ел тамашалары 2021 елның 17 декабрендә башлана һәм 2022 елның 9 гыйнварына кадәр дәвам итәчәк.

Быел «Әкият» курчак театры нәниләрне һәм аларның әти-әниләрен «Кар кызы өчен әкияти тамаша» спектакле белән сөендерәчәк.

Фокусларга һәм махсус эффектларга бай сюжеты белән тамаша балаларны да, өлкәннәрне дә Яңа ел атмосферасына алып керәчәк. Тамашачыларны Кар кызы, Емеля, Убырлы карчык, Үлемсез Кащей һәм халык әкиятләренең башка персонажлары көтә.

Эпидемиологик ситуацияне исәпкә алып быел Яңа ел тамашалары театрның зур залында узачак.

14 декабрь Татарстан Республикасы дәүләт сынлы сәнгать музееның хәзерге заман сәнгать Галереясендә Дәүләт Рус музее җыелмасыннан Николай Рерих күргәзмәсе ачылды.

Бүген мәгариф, мәдәният, фән һәм милли мәсьәләләр Комитеты утырышында мәдәният тармагында кадрлар потенциалын үстерү турында сүз барды.

Моннан тыш, парламентарийлар музейлар һәм музей эше турында республика законына үзгәрешләр кертү турында закон проектын карадылар, Комитетның 2021 елда эшчәнлегенә йомгак ясадылар һәм киләсе чорга планын расладылар. Утырышта ТР Дәүләт Советы Рәисе урынбасары Марат Әхмәтов катнашты.

Хәзерге вакытта республикада 173 музей, 18 театр, 19 концерт оешмасы, 2 филармония, 2 цирк, 1510 китапханә һәм 1917 клуб учреждениесе, 42 кинотеатр эшли.

Мәдәният учреждениеләрендә 22,7 меңнән артык кеше эшли, аларның күбесе – хатын-кызлар. Мәдәният хезмәткәрләренең 50% югары белемле, 30% - махсус урта белемле, 20% -  профиль белеме юк, - дип билгеләп үтте Ирада Әюпова, - аларны укыту зарур",- диде министр.

Мәдәният өлкәсендә белгечләр әзерләү белән 9 һөнәри белем бирү оешмасы һәм 106 өстәмә белем бирү оешмасы шөгыльләнә.

«Мәдәният» милли проектының «Иҗади кешеләр» федераль проекты кысаларында квалификация күтәрү мөмкинлеге каралган. 2019 елда, республика квотасы буенча 373 кеше белемен күтәрсә, 2020 елда-716 мәдәният хезмәткәре укытылган. 2021 ел ахырына 1 204 мәдәният хезмәткәре белемен күтәрәчәк.

Республикада яшь белгечләргә авылда бер тапкыр бирелә торган акчалата түләүләр һәм йорт төзү өчен җир бүлеп бирү буенча дәүләт ярдәме чаралары эшли.

Быел комитет 10 утырыш үткәргән (шуларның 3се күчмә һәм 2се уртак), «Татарстан Республикасы шәһәрләренең «Иҗади шәһәрләр челтәре» ЮНЕСКО проектында катнашуы һәм «Татарстан Республикасында кинематографияне үстерү турында» темаларына ике түгәрәк өстәл уздырылган.

Комитет каршындагы Эксперт советы 7 утырыш үткәргән (аларның 3 - се-комитет белән берлектә), 22 мәсьәлә каралган.

15 декабрь 10:30 сәгатьтә Әлмәттә «Тат-АRS-Тан» конкурс хәрәкәте эшли башлый. Конкурс республика күләмендә узачак. Хәрәкәткә балалар сәнгать мәктәпләре, урта махсус һөнәри белем бирү мәдәният һәм сәнгать уку йортлары укучылары катнашындагы белем бирү проекты этәргеч булачак.

Әлмәттә биш юнәлеш-музыка, хореография, театр, шулай ук рәсем һәм декоратив – гамәли сәнгать буенча мастер-класслар узачак.

Проект Татарстан Республикасы мәдәният министрлыгы тарафыннан «Иске Әлмәт» мәдәният йорты базасында «Татар мәдәни ресурс үзәге» ДБУ белән берлектә гамәлгә ашырыла.

17 декабрь Татарстан Халыклар Дуслыгы Йортының концертлар залында Туган телләр һәм Халыклар бердәмлеге елын йомгаклау тантанасы узачак. Чарада ТР Дәүләт Советы Рәисе, Татарстан халыклары Ассамблеясы Советы Рәисе Фәрит Мөхәммәтшин катнашачак. Чара кысасында республикада Туган телләр һәм Халык бердәмлеге елына төп нәтиҗәләр ясалачак.

Татарстан, Башкортстан, Марий Эл, Чуашия, Мордовия, Удмуртия, Алтай һәм Әзербәйҗаннан килгән танылган милли шагыйрьләр бәйрәмнең хөрмәтле кунаклары булачак. Бәйрәмгә Татарстан халыклары Ассамблеясы вәкиллекләре һәм филиаллары, шулай ук Татарстан муниципаль районнарының Дуслык йортлары һәм үзәкләре җитәкчеләре, милли-мәдәни автономия активистлары да киләчәк.

Татарстан районнары һәм шәһәрләре мәдәни коллективлары бәйрәм концерт программасында да тәкъдим ителәчәк, сәхнәдә республиканың егермедән артык коллективы чыгыш ясаячак.

Концерт 15:00 сәгатьтә башлана.