Хәзерге заман сәнгате галереясендә Дәүләт Рус музее җыелмасыннан Николай Рерих күргәзмәсе ачылды
14 декабрь Татарстан Республикасы дәүләт сынлы сәнгать музееның хәзерге заман сәнгать Галереясендә Дәүләт Рус музее җыелмасыннан Николай Рерих күргәзмәсе ачылды.
Николай Константин улы Рерих- Ватан һәм дөнья рәсем сәнгате осталарының берсе, фикер иясе, җәмәгать эшлеклесе, галим, сәяхәтче, язучы.
Татарстан Республикасы Дәүләт сынлы сәнгать музееның Хәзерге заман сәнгате галереясендә тәкъдим ителгән экспозициягә Николай Рерихның 70тән артык картинасы керде.
Күргәзмәне ачу тантанасында ТР мәдәният министры Ирада Әюпова һәм Дәүләт Рус музееның үсеш, агарту һәм белем бирү эшчәнлеге буенча генераль директор урынбасары Анна Цветкова катнашты.
Күргәзмә кысаларында тамашачылар өчен "Рерих державасы" лекторие оештырыла, аны һәр шимбә көнне 12:00 сәгатьтә карарга мөмкин.
Күргәзмә кысаларында студия интерактив эффектлар белән тематик мультимедия программасы әзерләде.
Ул галерея залларының беренче һәм икенче каты арасында Рерих картиналары белән турыдан-туры трансляцияләнәчәк. Проект 20 минутлык инсталляциядән гыйбарәт, тамашачылар визуаль рәткә һәм музыкага да йогынты ясый.
Күргәзмә 2022 елның 13 мартына кадәр ачык булачак.