ЯҢАЛЫКЛАР
Татарстан Республикасы Мәдәният министрлыгы Татарстан Республикасы территориясендә урнашкан Татарстан Республикасы дәүләт мәдәният учреждениеләренең һәм муниципаль мәдәният учреждениеләренең иң яхшы хезмәткәрләренә квалификация күтәрү программаларын узу, 2022 елда тәҗрибә алмашу чараларында катнашу өчен Татарстан Республикасы бюджетыннан грантлар алуга конкурс игълан итә.
Татарстан Республикасы Мәдәният министрлыгы 2023 елга гавами максатларын һәм бурычларын формалаштыра башлавы турында игълан итә.
2022 елның 25 сентябрендә Г.Тукай исемендәге Татар дәүләт филармониясендә Татарстан Республикасының атказанган артисты, сәнгать җитәкчесе, дирижер Сергей Васильев җитәкчелегендәге Татарстан Республикасы филармония джаз-оркестры үзенең концерт сезонын ача.
В.И.Качалов исемендәге Казан академия рус Зур драма театры һәм Янка Купала исемендәге Милли академия театры (Минск, Беларусь) хезмәттәшлек турында шартнамәгә кул куйды.
«Себер кутюрьесы» XXVII Халыкара кием дизайнерлары конкурсы 2022 елның 11 октябрендә Новосибирск шәһәрендә А.М.Кац исемендәге Дәүләт Концерт залында (концерт холлы) узачак.
2022 елның 22 сентябрендә 16:00 сәгатьтә Татарстан Республикасы сынлы сәнгать музееның «Хәзинә» Милли сәнгать галереясендә танылган төрек рәссамы Ялчын Гёкчеб күргәзмәсе ачылачак.
Рәссамның шәхси күргәзмәләре Төркиянең төрле шәһәрләрендә, шулай ук чит илләрдә - Лондон, Париж, Оман, Дамаск, Эйндховен һәм дөньяның башка шәһәрләрендә узган.
"Хәзинә"дәге күргәзмә безнең шәһәрдә генә түгел, ә Россиядәгеаның беренче шәхси экспозициясе. Экспозициядә үткән гасырның 1970-нче елларыннан башлап рәссамның иҗади юлының башыннан ук язган әсәрләре күрсәтеләчәк.
15:30 сәг. рәссам белән матбугат очрашуы оештырылачак.
1 сентябрьдә Шаляпин стипендиясенә кандидатлар сайлап алуның беренче этабы башланды. Бу стипендия ел саен яшь,15 яшьтән 35 яшькә кадәрге өмет баглаган вокалистларга бирелә.
Воронеж өлкәсендә муниципаль театрларының беренче ачык «Нескучная классика» фестивале тәмамланды. Конкурс дәвамында алты көн буе Н.Г.Чернышевский исемендәге Борисоглебск драма театры сәхнәсендә Россиянең кече шәһәрләреннән - Бөгелмә, Балашов, Королев, Дзержинск, Борисоглебск, Лиски шәһәре коллективлары үзләренең спектакльләрен тәкъдим итте.
Кукмара районыннан "Инвожо" фольклор коллективы Россиянең иң яхшы "Сочи Парк" аттракционнарының берсендә булды. Уникаль аттракционлы күңел ачу комплексы, дельфиннар белән танышу, уен программасы һәм җылы диңгез «UenFest» фестиваленең яшь җиңүчеләрен шатландырды.
Шәһәр театрлары тамашачылар өчен үз ишекләрен ача башлады һәм чираттагы театр сезоны башлану белән сукырлар һәм начар күрүчеләр өчен тифлокомментарий булган спектакльләрне күрсәтү башлана.