ЯҢАЛЫКЛАР
Татарстан Республикасы Милли китапханәсе Татарстанның 2023 елга истәлекле даталар һәм вакыйгалар календарен төзеде.
2023 елның 12 гыйнварында Россия ислам институтында уникаль басма - «Россиядә ислам тарихы» китабын тәкъдир итәчәкләр. Басма Идел буе Болгар халкы тарафыннан ислам динен кабул итүнең 1100 еллыгы чаралары кысаларында Татарстан Республикасы Мәдәният министрлыгы һәм Ислам мәдәнияте, фән һәм мәгариф ярдәм фонды тырышлыгы белән дөньяга нәшер ителде.
Бүген, 10 гыйнварда дирижер, педагог, ТАССР һәм РФ халык артисты, РФ атказанган сәнгать эшлеклесе, профессор Мансуров Фуат Шакир улының тууына 95 ел тулуы билгеләп үтелә. (1928-2010).
11 гыйнварда Пушкин исемендәге Мәдәни үзәктә Г.Тукай исемендәге Дәүләт премиясе лауреаты, М.Җәлил премиясе иясе, РФ атказанган мәдәният хезмәткәре, ТАССР атказанган мәдәният хезмәткәре, Татарстанның халык шагыйре, татар әдәбияты классигы Рәзил Вәлиев пьесасы буенча "Чибәр кызлар" мюзиклының премьерасы,булачак.
Яңа ел бәйрәмнәре көннәрендә, төгәлрәк әйтсәк 2022 елның 25 декабреннән 2023 елның 8 гыйнварына кадәр "Казан Кремле" Музей-тыюлыгы территориясенә 230 меңнән артык кеше килгән, ә Яңа ел ярминкәсендә 200 мең турист һәм шәһәр халкы кунак булган.
Кышкы спорт сезоны чорында Россиянең иң эре радиохолдингларының берсе "Рус катогы" федераль акциясен уздыру инициативасы белән чыгыш ясый, аның максаты илдә яшәүчеләрне каткаларда берләштерү, яшәү урынына карамастан. Быел холдинг боз амбассадоры булды.
Татар дәүләт «Әкият» курчак театрында Яңа ел тамашалары уңышлы тәмамланды. 16 декабрьдә башланган бәйрәм марафоны 8 гыйнварда тәмамланды.
"Созвездие-Йолдызлык" Арт-резиденциясе "Кар кызының яллары" яңа ел балалар тамашасын күрсәтүне төгәлләде. Бу юлы театр тамашачыларны Рәмиев исемендәге IT-паркта һәм Пушкин исемендәге Мәдәни үзәктә каршылады.
2023 елның 20 февраленә кадәр НТВ телеканалы үткәрә торган «Син супер! 60+» вокал конкурсына гаризалар кабул итү дәвам итә.
30 декабрьдә Габдулла Тукай исемендәге «Казан» Халыкара аэропортында Татарстан Республикасы Милли музее һәм «Казан» халыкара аэропортының уртак күргәзмә проекты ачылды. Ул Максим Горькийның тууына 155 ел һәм Федор Шаляпинның тууына 150 ел тулуга багышланды.