ЯҢАЛЫКЛАР
Иртәгә 28 декабрь 11.00 сәгатьтә Татар-информ МА Татарстан Республикасы мәдәният министры урынбасары Дамир Натфуллин, Татарстан Республикасы Рәссамнар берлеге рәисе Альберт Шиабеев, Татарстан Республикасының атказанган сәнгать эшлеклесе Юрий Бердников катнашында матбугат конференциясе узачак. Очрашуда сүз «Окно в будущее» проекты турында барачак. Проект кысаларында яшь рәссамнарга Татарстан Республикасы Рәссамнар берлеге тарафыннан ярдәм күрсәтеләчәк. Проект төркеменә балалар рәсем мәктәпләре, сәнгать мәктәпләре, техникумнар, училищелар һәм лицейлардан 80 мөгаллим керде.
Проектның асылы: балалар рәсем мәктәбе, балалар сәнгать мәктәбе, сәнгать техникумнары, училище һәм лицейларының югары сыйныф укучылары арасында (барлыгы 25 белем бирү учреждениесе), остазлар җитәкчелегендә (рәсем сәнгате, графика, декоратив-гамәли сәнгать) өлкәсендә конкурс үткәрү. Сайлап алынган иҗади эшләр нигезендә яхшы хезмәтләрдән торган (100 данә) күргәзмә оештырылачак. Татарстан Республикасы Рәссамнар берлегенең сәнгать-эксперт Советы тарафыннан конкурста 30 лауреат сайланачак.
2022 елның гыйнварында остазлар һәм лауреатлар Казанда конференциядә катнашачак. Өч көн эчендә Казан Ратушасы галереясендә конкурска йомгак ясалачак, катнашучыларга бүләкләр һәм дипломнар тапшырылачак. Анда яшь рәссамнар яңа креатив технологияләр турында белем алачак.
Конкурс күргәзмәләре Казан, Яшел Үзән, Яр Чаллы, Чистай шәһәрләрендә узачак. Беренче этапта проект Татарстанда, алга таба Идел буе территориясендә дә уздырылачак.
2022 елда «Киләчәк көзгесе» Бөтенроссия балалар-яшүсмерләр фильмы фестивале кабат PRO – форматында иң яхшы катнашучыларга грантлар бирү белән йомгакланачак.
Чара Горно-Алтай шәһәрендә узачак, анда 10 яшьтән 18 яшькә кадәрге, киноҗитештерү белән кызыксынучы һәм үз фильмнарын төшерүче балалар студиясе вәкилләре, шулай ук киноиндустрия педагоглары һәм профессионаллары җыелачак.
Фестиваль 26 марттан 2 апрельгә кадәр, офлайн һәм онлайн режимда узачак. Традиция буенча мәгариф һәм мәдәни программа каралган.
Иң кызыклы конкурс фильмнарын тәкъдим иткән һәм форум барышында үзләрен аеруча актив күрсәткән катнашучылар кино төшерү өчен кирәкле җиһазлар сатып алу яки профильле белем алу өчен грантлар алачак. Әлеге финанс ярдәмнең күләме 50-150 мең сум тәшкил итәчәк, шул ук вакытта гомуми грант фонды 2,5 миллион сум тәшкил итә.
Рәсми сайт: зеркалобудущего.рф
Матбугат хезмәте: zbfestival@gmail.com
Татарстан Республикасы Менделеевск шәһәренең «Шаян» халык хореография коллективына «Халык иҗатының атказанган коллективы» исеме бирелде
2021 елда коллектив оешуга 45 ел, бию коллективы 1976 елда Менделеевск шәһәрендә оештырыла. Коллективка нигез салучы, аның җитәкчесе-Татарстан Республикасының атказанган мәдәният хезмәткәре, халыкара һәм Бөтенроссия конкурслар лауреаты Нәкыя Насыйбуллина.
Хәзерге вакытта коллективта өч йөздән артык бала шөгыльләнә: мәктәпкәчә яшьтәге балалар, мәктәп укучылары, уку йортлары студентлары һәм эшләүче яшьләр.
«Тархан» 2021 тарихи-мәдәни конкурсына гаризалар кабул итү дәвам итә. Тапшырырга ашыгыгыз!
Исегезгә төшерәбез, Татарстан Республикасы мәдәният министрлыгы Казан (Идел буе) федераль университетының Халыкара мөнәсәбәтләр институтының Бөтендөнья мәдәни мирасы һәм тарих фәннәре Югары мәктәбе белән берлектә «Тархан» 2021 тарихи-мәдәни конкурсын игълан итте.
Конкурс Татарстан һәм төрки халыкларның тарихы һәм мәдәнияте белән кызыксынуны үстерүгә, шулай ук өлкән һәм урта мәктәп яшьләре арасында уку һәм Татарстан халыкларының тарихи-мәдәни мирасын популярлаштыруга юнәлдерелгән.
КОНКУРС НИГЕЗЛӘМӘСЕ
Конкурста Россия Федерациясенең барлык субъектларыннан 10-11 сыйныф укучылары һәм/яки урта белем бирү оешмалары студентлары, шулай ук якын һәм ерак чит илләрдән абитуриентлар катнаша ала.
Төп приз: конкурста җиңүче һәм призерлар Казан (Идел буе) федераль университетының Халыкара мөнәсәбәтләр институтының «Тарих» (шифр 46.03.01) юнәлеше буенча «Төрки халыклар тарихы» профиленә бушлай керү хокукына ия була.*
Теркәлү һәм беренче онлайн-тур сайтта: univer.tatar/tarhan/ (1 декабрьдән 31 декабрьгә кадәр уза).
Конкурс ике турда уза.
I тур, читтән торып – тест узу һәм бирелгән темага эссе язу.
II тур, көндезге–телевизион**, 4 этаптан тора: финалның 1/8, 1/4, 1/2 һәм финал.
Күп этаплы интеллектуаль телевизион шоу нәтиҗәләре буенча «Тархан» конкурсы жюри әгъзалары 3 призерны билгеләячәк.
* Ташламалар 2022 һәм 2023 елларда кабул итү кампаниясе өчен гамәлдә.
** Көндезге турның барлык конкурс сынаулары онлайн-трансляция белән үрелеп барачак һәм телевизион версиясе булачак. Instagram – tarhan_konkurs.
Бүген Татарстан Республикасы мәдәният министрлыгында «Яшьләр Мәдәният Менеджмент» Икенче республика форумында катнашучылар Татарстан Республикасы мәдәният министры Ирада Әюпова белән очрашты.
Форумда катнашучылар очрашуда мәдәният волонтерлары хәрәкәтенең бердәм календарен булдырырга тәкъдим иттеләр һәм «Мәдәният волонтерлары» Бөтенроссия иҗтимагый хәрәкәте эше буенча методик рекомендацияләрнең нигезен тәкъдир иттеләр.
Методик тәкъдимнәр 2022 елның гыйнварында ведомствоның йомгаклау коллегиясе утырышында игълан ителәчәк.
Татарстан Халыклар дуслыгы йортында «Татар халкының этнографик мозаикасы» фотоконкурсының иң яхшы әсәрләре күргәзмәсе ачылды, шулай ук фотоконкурста җиңүчеләрне бүләкләү тантанасы булып узды.
2021 елда конкурста профессиональ фотографлар һәм Россиянең сигез регионыннан һәвәскәрләр дә катнашты, 400 дән артык эш тәкъдим ителде. Барлыгы-44 конкурсант. Катнашучылар өч номинациядә ярышты: "Болгар. Идел буенда Ислам динен кабул итүгә 1100 ел», «Гореф-гадәтләр һәм йолалар" һәм "Халык-гамәли сәнгате".
Җиңүчеләрне Татарстан Республикасы мәдәният министры урынбасары Дамир Натфуллин котлады.
Фотоконкурс «Татар халкының милли үзенчәлеген саклап калу (2014-2022 еллар)» дәүләт программасын гамәлгә ашыру кысаларында үткәрелә һәм татар халкының гореф-гадәтләрен, йолаларын популярлаштыруга, Татарстан Республикасында һәм аннан читтә яшәүче татар халкының милли үзенчәлеген саклауга һәм үстерүгә юнәлдерелгән. Татарстан Халыклар Дуслыгы Йортында күргәзмә 2021 елның 27 декабренә кадәр эшләячәк.
Болгар шәһәренең авылара үзәк китапханәсе Аяз Гыйләҗев исемендәге Чаллы татар дәүләт драма театры белән берлектә Туган телләр һәм халык бердәмлеге елы максатчан гранты кысаларында «Каллиграфия сәнгате призмасында татар язуы тарихы» дип исемләнгән күргәзмә-инсталляция оештырды.
Татарстан Республикасы мәдәният министрлыгы бинасында Кытай Халык Республикасының Казандагы Генераль консулы У Инцин Татарстан Республикасы мәдәният министры Ирада Әюпова белән очрашты, очрашуда шулай ук КХР Казандагы вице-консулы Пянь Сяоцян һәм Татарстан Республикасы мәдәният министры урынбасары Дамир Натфуллин катнашты.
25 декабрьдән Милли музейда 1910 елгы Казан буенча виртуаль экскурсияләр — «Переходъ» проекты башлана.
«Переходъ» – 111 ел элек булган шәһәребез буйлап сәяхәт итү. Сез кәнәфигә утырасыз, виртуаль чынбарлык шлемын киясез һәм үткәннәргә чумасыз.
Бу ХХ гасырның 1910-1920 еллардагы Казанны күрү проекты. Проект өстендә тарихчылар, археологлар, реставраторчылар, VR программалаштыру һәм визуализацияләү белгечләре эшләде.
Иске Казан буйлап йөрүне өр яңа VR-күзлек тәэмин итә, сәяхәтне РФ атказанган артисты Владимир Еремин алып бара. Тагын да үзенчәлекле мөмкинлек: үткәнне һәм хәзергене чагыштыру өчен бер төймәгә басу җитә.
10+
Дәвамы – 30 минут
Алдан язылу сорала +7 (987) 219-04-26.
8 чит ил блогеры Россия буенча сәяхәткә чыкты. Тревел-тамаша 2022 елның гыйнварында «Who is Russia" youtube-каналында башлана.
Сәяхәтчеләр Мәскәүдән кузгалып, ә Петербургта финишка килделәр. Юлда шоуда катнашучылар Россия, Татарстан, Чечня, Краснодар крае һәм Башкортстанның мәдәниятен, тарихын, табигатен өйрәнделәр. Сәяхәттә алар бәхәсләштеләр, дуслаштылар, гаҗәпләнделәр, атта йөрделәр, һавада очтылар һәм күлгә чумдылар. Һәм һәркайда аларны рус классик язучыларының китаплары озата йөрде, аларның әсәрләре һәм цитаталары сәяхәтнең лейтмотивына әверелде.
Үзләренең юлларында блогерлар стендап-шоу белән чыгыш ясадылар, Россиядә күргәннәреннән алган тәэсирләре белән уртаклаштылар. Россия һәм бөтен дөнья тамашачылары геройларның барлык маҗараларын гыйнвар аенда ук күрә алачак. Who is Russia катнашучыларын танылган рус блогерлары — сәяхәтче Петр Ловыгин, «Петенька Планетка» тревел-блогер Дмитрий Лукьянчук (Instagram да 850 мең абунәче), шулай ук актерлар һәм спорт йолдызлары озатып йөрде.
Инстаграм проекта: https://www.instagram.com/who.is.russia/
Youtube-канал проекта: https://www.youtube.com/channel/UCjdVYqaBSaOabqlRjK4LbFw/
Проект Росмолодежь агентлыгы, «Россия мөмкинлекләр иле" проектының Ресурс Яшьләр Үзәге һәм Бөтенроссия яшьләр проектлары конкурсы ярдәмендә оештырылды.