ЯҢАЛЫКЛАР
Татарстан Республикасы «Пушкин картасы» буенча төзелгән килешүләр саны һәм сатылган билетлар саны буенча Россия Федерациясе төбәкләре арасында лидерлар рәтендә.
2021 елның 29 декабренә «PRO.Мәдәният.РФ» порталында Татарстан Республикасының 243 оешмасы теркәлгән (44 дәүләт, 170 муниципаль, 24 шәхси һәм 5 коммерцияле булмаган оешма), шул исәптән түбәндәге юнәлешләр: мәдәният сарайлары һәм клублар – 84, музейлар һәм галереяләр – 57, театрлар – 23, концерт мәйданчыклары – 19, белем бирү мәйданчыклары – 14, китапханәләр – 11, башка юнәлешләр буенча – 35).
Агымдагы елның 20 декабренә Татарстан Республикасы «Пушкин картасы» буенча төзелгән шартнамәләр саны буенча Россия Федерациясе төбәкләре арасында 4 нче урында. Россия Федерациясе Мәдәният министрлыгы мәгълүматларына караганда, Татарстан Республикасында 153 690 шартнамә төзелгән.
«PRO.Мәдәният.РФ» Порталында программаны гамәлгә ашыра башлаганнан бирле барлыгы 3 118 вакыйга урнаштырылган.
Декабрь аена Мәдәният.РФ порталында 1799 расланган вакыйга бар. Декабрь аенда планлаштырылган расланган вакыйгалар категорияләр буенча: 520 вакыйга (мастер-класслар, лекцияләр), спектакльләр-384, очрашулар – 358, экскурсияләр – 199, концертлар – 167, күргәзмәләр – 124 һәм башка вакыйгалар – 47.
2021 елның 1 сентябреннән 24 декабренә кадәр дәүләт һәм муниципаль мәдәният учреждениеләре тарафыннан барлыгы 134 млн. сумлык 290 меңнән артык билет сатылган.
2022 елның 1 гыйнварыннан 1 февраленә кадәр Шаляпин стипендиясен алуга гаризалар кабул ителә.
Номинантларның чыгышлары, видео һәм характеристикаларын (ким дигәндә ике әсәр) 420015, Казан шәһәре, Горький урамы, 10 (А.М.Горький һәм Ф.И.Шаляпин музее) e-mail: marian_74@mail.ru,musgorky@mail.ru электрон адресларына юлларга кирәк.
Белешмәләр өчен телефон:+7 (843) 238-47-78, +7 986 713-02-07.
Стипендияне тапшыру буенча оештыру комитеты утырышы 2022 елның февраль башында узачак. Гыйнвар аенда утырыш вакыты һәм оештыру комитеты составы игълан ителәчәк.
Хәзерге вакытта Татарстан Республикасының иҗат берлекләре тарафыннан Габдулла Тукай исемендәге Дәүләт премиясенә тәкъдим итүгә кандидатуралар буенча фикер алышу оештырыла.
Ташкентта «Казан шәһәре җыелышларында Алишер Нәваи кулъязмалары» программасын тәкъдир иттеләр. Чараны Үзбәкстан Республикасы Президенты Администрациясе каршындагы Мәгълүмат һәм массакүләм коммуникацияләр Агентлыгы һәм А.Нәваи исемендәге Үзбәкстан Республикасының Милли китапханәсе оештырды.
Татарстан галимнәре Алишер Нәваиның фәлсәфи-шигъри мирасына зур игътибар бирәләр, ул төрки әдәби тел үсешенә алыштыргысыз өлеш керткән шәхес. Казан урамнарының берсе бөек шагыйрь исемен йөртә.
"Казан җыелышларында Алишер Нәваи кулъязмалары" каталог-альбомын әзерләүдә (Мәскәү-Казан, 2021 ел) Татарстан Республикасы Милли китапханәсе, Казан (Идел буе) федераль университетының Н.И.Лобачевский исемендәге Фәнни китапханәсе, Татарстан Республикасы Дәүләт архивы вәкилләре катнашты. Автор-төзүче-Көнчыгыш дәүләт музее генераль директоры урынбасары (Мәскәү шәһәре) Илья Зайцев.
Бүген 70 яшендә Казан журналисты Елена Чернобровкина вафат булды.
Иртәгә 30 декабрьдә Татарстан Республикасы Сәүдә-сәнәгать палатасының зур залында (Пушкин ур., 18) 10:30 сәгатьтә хушлашу уза.
Чернобровкина озак еллар «Кичке Казан» газетасы корреспонденты булып эшли, баш мөхәррир Андрей Гавриловның «алтын» кадрлар составында йөри. Шулай ук, Елена Николай кызы «БИЗНЕС Online» газетасында 14 елга якын, шеф-мөхәррир урынбасары вазифасын алып бара, сәяси һәм социаль юнәлешне җитәкли. Иҗтимагый һәм сәяси эшчәнлек белән дә шөгыльләнә, 2001 елда чыккан «Татарстанның демократик оппозициясе: 10 еллык юл» исемле китап авторы.
Татарстан Республикасы Мәдәният министрлыгы Е.Н.Чернобровкинаның туганнары һәм якыннарының тирән кайгысын уртаклаша.
25 декабрь «Укучының мәдәни көндәлеге» республика проекты активистлары өчен уку елының көтеп алынган вакыйгасы булды. Республиканың баш Чыршы бәйрәменә «Мәдәни көндәлек.РФ порталын иң актив кулланучы» конкурсында җиңүчеләр җыелды.
Быел Республика Яңа ел чыршысы Баскет-холлда узды.
Балаларны якынлашып килүче Яңа ел белән Татарстан Республикасы Президенты Рөстәм Нургали улы Миңнеханов котлады.
Чыршы бәйрәмендә укуда, спорт ярышларында, иҗади һәм иҗтимагый тормышта алдынгы укучылар, шулай ук социаль категория һәм проектның активистлары, барлыгы 8000 бала катнашты!
Казан яшь тамашачылар театры «Нина әби әкиятләре» онлайн-проектын башлап җибәрде. ТР халык артисты Нина Калаганова турыдан-туры эфирда әкиятләр укый. ТР Язучылар берлеге әгъзасы, автор Олеся Феоктистова рус, татар, инглиз телләрендә шигырьләр һәм прозаик әсәрләр иҗат итә. Турыдан-туры эфирны Казан яшь тамашачылар театрының «ВКонтакте» интернет челтәрендә һәм «Культура.РФ» сайтында карарга мөмкин. Эфир бүген 15:00 сәг һәм һәр чәршәмбе көннәрендә булачак.
Бүген Татарстан Республикасы Президенты Рөстәм Миңнеханов, Татарстан Республикасы мәдәният министры Ирада Әюпова, «Союзмультфильм»киностудиясе Директорлар Советы рәисе Юлиана Слащева «Союзмультпарк» мультимедиа күңел ачу-камилләштерү үзәгендә булды.
Кунакларга югары технологияле 12 аттракционны тәкъдир иттеләр, анда һәркем мультфильм герое була ала, хәтта үзе мультфильм куя ала. Павильонда тәкъдим ителгән аттракционнарны эшләгәндә VR/AR, RTX technology, virtual mocap, motion capture, 3D анимация һ. б. алдынгы технологияләр кулланылган.
Беренче "Союзмультпарк" Мәскәү шәһәрендә 2021 елның февралендә барлыкка килде. Казандагы «Союзмультпарк» мультимедиа үзәге Мәскәү проектына охшаш, әмма шулай да аның кайбер үзенчәлекләре бар.
Казан "Союзмультпарк" мультимедиа үзәгендә Анимация мәктәбе бар. Биредә төрле яшьтәге укучылар ничек үз персонажларын, компьютер анимациясен булдырырга, шулай ук кул астындагы чаралардан мультфильм ясарга мөмкинлеген өйрәнә.
Проект Татарстан Республикасы Хөкүмәте тарафыннан «Союзмультфильм»киностудиясе белгечләре катнашында тормышка ашырылды.
Татарстанда «XX гасырның 100 татар җыры» проекты эшләнде, ул музыка аша татар мәдәнияте тарихын чагылдыра. Һәр әсәрнең барлыкка килү тарихы яки контексты турында белешмә бар. Материаллар ике телдә — рус һәм татар телләрендә тәкъдим ителә.
Бу айда «Болгар радиосы» IX Милли музыка премиясен тапшыру тантанасы булды. Татар эстрадасы йолдызларына 30 дан артык «Алтын йолдыз» сыны тапшырылды.
РФ Дәүләт Думасының мәдәният Комитеты рәисе Елена Ямпольская һәм ТР мәдәният министры Ирада Әюпова ачык диалог форматында Татарстан халкының сорауларына җавап бирделәр. Алар мәдәният өлкәсе киләчәге турында сөйләделәр.