Яшел Үзәндә яңа мәдәни үсеш үзәге ачылачак

2022 елның 13 апреле, чәршәмбе

Яңа мәдәни үсеш үзәге төзелеше 2021 елда "Мәдәният" милли проекты кысаларында старт алды. 
Бүген биредә эчке төзекләндерү эшләре дәвам итә, дизайнерлар контроль эшен төгәлли. Объект төзелеше барышын Татарстан Республикасы мәдәният министры Ирада Әюпова һәм министр урынбасары Ленар Хәкимҗанов бәяләде.

 Үзәкнең проекты белән район башкарма комитеты җитәкчесе Ильяс Ганиев таныштырды. 
Ирада Хафизҗан кызы иҗади очрашулар өчен булачак залларны, бию классын, коворкинг һәм туклану зонасын карады, кайбер искәрмәләр һәм тәкъдимнәрен чыгарды. 
Мәдәни үзәкне  җәй башына ук ачарга планлаштыралар.