ЯҢАЛЫКЛАР
Татарстан Республикасы Мәдәният министрлыгы татар халкы мәдәниятен саклап калучы, үстерүче һәм популярлаштыручы әсәрләр булдыруга Татарстан Республикасы Хөкүмәтенең грантларын алу конкурсына гаризалар кабул итүне дәвам итә. Гаризалар 2022 елның 20 декабренә кадәр кабул ителә.
15 декабрьдә 18:30 сәгатьтә Татарстан филармониясенә ViVA төркеме һәм ТР халык инструментлары дәүләт оркестрының яңа концерт программасы белән ләззәтләнергә чакырабыз. Проект - мәдәни инициативалар Президент фонды конкурсында җиңүче.
17 һәм 19 декабрьдә Татарстан Композиторлар берлегендә ел саен үткәрелә торган «Композитор хәтере» проекты концертлары узачак. Бу юлы Ренат Еникеев, Леонид Любовский, Мансур Мозаффаров һәм Александр Руденко музыкасы яңгыраячак.
5 декабрьдә Татарстан Республикасы Милли музеенда «Петергоф» Дәүләт музей-тыюлыгыннан «Кызык өчен генә түгел, эш өчен дә». «Бөек Петр ассамблеясе тарихы»стенд күргәзмәсе ачылачак.
20 декабрьдә Алабуга дәүләт музей-тыюлыгында Россия Федерациясенең атказанган рәссамы, Татарстан Республикасының халык рәссамы Владимир Акимовның «Миф чынбарлык буларак» (Яр Чаллы) күргәзмәсе ачыла.
Күргәзмәдә 100 гә якын рәсем әсәре тәкъдим ителәчәк.
Казанда «Һөнәр» XIV Бөтенроссия яшь режиссура фестивале төгәлләнде. 5-11 нче декабрь көннәрендә Татарстан, шулай ук Владимир, Чиләбе һәм Санкт-Петербург театрлары алып килгән 23 спектакльне карап булды. Фестивальнең төп мәйданчыклары Казан театрлары иде, ә Чаллы һәм Әлмәт драма театрлары спектакльләрен үз мәйданчыкларында күрсәтте.
2022 елның 15 декабрендә 14:00 сәгатьтә "Зөя утрау-шәһәрчеге" дәүләт тарих-архитектура һәм сәнгать музей-тыюлыгында Пермь шәһәренең заманча сәнгать музее белән берлектә оештырылган "ПЕРММ" күргәзмәсе ачылачак.
Татарстанның дәүләт җыр һәм бию ансамбле үзенең юбилеен М.Җәлил исемендәге Татар дәүләт опера һәм балет академия театры сәхнәсендә зур концерт "Безгә - 85!" программасы белән билгеләп үтте. Бу кичәдә коллектив солистлары лаеклы бүләкләр алды. Ә юбилей концертына чакырылган кунак "Тавыш" конкурсында җиңүче Динә Гарипова булды.
8-10 декабрьдә Красноярск һәм Красноярск ягында Татарстан киносы көннәре уза. Программаны "Татаркино" мәдәният учреждениесе директоры Миләүшә Айтуганова һәм Татарстан Республикасының атказанган артисты Алсу Әбелханова тәкъдим итәчәк.
Кичә 83 яшендә шагыйрь, популяр җырлар авторы, Татарстан Республикасы язучылары берлеге әгъзасы, С.Сәйдәшев исемендәге Дәүләт Зур концертлар залының элеккеге директоры Мансур Әхмәт улы Шиһапов вафат булды.