Россиянең халык артисты Анатолий Шутиков «Иҗади лаборатория» IV еллык проекты кысаларында мастер-класс уздырачак

2023 елның 24 феврале, җомга

27 февральдә 13:00 сәгатьтә Россия халык артисты, профессор Анатолий Шутиковның «Иҗади лаборатория» IV еллык проекты кысаларында ТР халык уен кораллары оркестры катнашында иҗади очрашу һәм мастер-класс узачак. Чара «Сәйдәш» мәдәни үзәгенең колонна залында (Ершов ур., 57а) узачак. Керү ирекле.

«Иҗади лаборатория» проекты үз эшчәнлеген 2019 елдан башлады. Аның авторлары - ТР халык уен кораллары балалар оркестры җитәкчеләре Иван һәм Надежда Занозовский.