ЯҢАЛЫКЛАР

Шул уңайдан Татарстан Республикасы Мәдәният министры Айрат Сибагатуллин мөрәҗәгатендә, ЮНЕСКО карары нигезендә, 18 апрельдә бөтен дөньяда Һәйкәлләр һәм тарихи урыннар халыкара көне билгеләп үтелүе, республикабызда Бөтен Россия күләмендә генә генә түгел, дөнья күләмендә дә зур кыйммәткә ия булган тарихи һәм мәдәни һәйкәлләр тупланганлыктан, соңгы елларда бу дата Татарстан өчен аеруча зур әһәмияткә ия булуы, һәйкәлләрне һәм тарихи урыннарны саклау буенча республикада зур эшләр башкарылуы әйтелә.

18 һәм 19 апрельдә Татарстан Республикасы Дәүләт Җыр һәм бию ансамбле бинасында, XII «Созвездие – Йолдызлык» Ачык Республика матурлык һәм талант телевизион фестивале суперфиналы кысаларында, илнең әйдәүче иҗади югары уку йортлары укытучылары һәм театр сәхнәсе осталары берничә мастер-класс бирәчәк.

19 апрельдә 18.30 сәгатьтә Мәсгудә Шәмсетдинованың Һади Такташ әсәре, Коръән һәм Тәүрат укыганнан соң туган унбиш мәсәлле “Җир Уллары Трагедиясе” премьерасы булачак. Ул солистлар, мөнәҗәт укучы, хор, оркестр өчен иҗат ителгән.

20 апрельдә 14.00 сәгатьтә Татарстан Республикасы Милли музеенда Әдәби салонның язучы Габдрахман Әбсәламовның 100 еллыгына багышланган утырышы була.

Зәй муниципаль районының «Космос» яшьләр үзәгендә «Зәем – туган төбәгем» дип аталган концерт-кичәләр алып баручылар конкурсы узды. Ул Зәй шәһәренә нигез салынуның 360 еллыгына һәм Зәй районында Милли мәдәниятләр елына багышлана.

16 апрельдә Россия Зур театры сәхнәсендә (Мәскәү) Россиянең XVIII “Алтын битлек” милли театр премиясен тапшыру булды. «Россиянең театр Оскары» лауреатлары арасында Татарстанның Халык артисты Альбина Шаһиморатова да бар, ул «Опера/Иң яхшы хатын-кыз роле» номинациясендә җиңү яулады.

Министр 12-14 апрельдә Төркия Республикасында, Әнкарә, Истанбул шәһәрләрендә эш сәфәрендә булды. Айрат Сибагатуллин Төркия Республикасының мәдәният һәм туристлык министры Эртогрул Гюнай, Халыкара төрки мәдәниятләр оешмасы (ТЮРКСОЙ) генераль секретаре Дюсен Касеинов, башка рәсми затлар белән очрашты. Очрашуларда Татарстан Республикасының Төркия Республикасындагы Вәкаләтле вәкиле Радик Гыйматдинов катнашты.

5–15 апрельдә Пермьдә узган “Арабеск” халыкара балет артистлары конкурсында йомгак ясалды. Жюри карары нигезендә Казанның өч биючесе бүләкләргә һәм саллы акчалата премияләргә лаек булды.

Истанбулда бөек татар шагыйре Габдулла Тукайның тууына 126 ел тулуга багышланган бәйрәм чарасы узды. Очрашу Татарстанның Төркиядәге тулы вәкаләтле вәкиллеге һәм Истанбул шәһәренең Идел-Урал мәдәни җәмгыяте тарафыннан Татарстан Республикасы Мәдәният министрлыгы ярдәме белән оештырылды.

9 майда Г.Камал исемендәге Татар дәүләт академия театрында С.В.Образцов исемендәге Дәүләт академия үзәк курчак театры “Искиткеч концерт” спектаклен күрсәтәчәк. Спектакльне сәхнәгә куючылар С.Образцов, С. Самодур, режиссеры В.Кусов.