ЯҢАЛЫКЛАР

2022 елның 13 мартында Татарстан Республикасы филармоник джаз-оркестры Мәскәү Халыкара музыка Йортында «Триумф джаза» XXII Халыкара фестивальдә чыгыш ясаячак.  
Фестивальгә танылган саксофончы Игорь Бутман нигез салган. Быел ул 11 марттан 19 мартка кадәр 22 нче тапкыр уза һәм Россия джазының 100 еллыгына багышлана.
Мәскәүдә дирижер Сергей Васильев җитәкчелегендәге ТР филармоник джаз-оркестры «Триумф джаза» фестивалендә беренче тапкыр чыгыш ясаячак. Бу вакыйгага Казан музыкантларын Россиянең халык артисты Игорь Бутман чакырды, аның белән коллективны күптәнге дустанә мөнәсәбәтләр һәм күпьеллык иҗади хезмәттәшлек бәйли.
Татарстан Республикасы филармоник джаз-оркестры - Россиянең әйдәп баручы профессионал джаз коллективларының берсе.
 

НТВ "Син супер!" халыкара балалар вокаль конкурсының яңа алтынчы сезоны кастингын игълан итә. Анкета һәм гаризаны НТВ сайтында тутырырга мөмкин.

Проектта вокал сәләтләре булган ата-ана тәрбиясеннән мәхрүм калган һәм балалар йортларында тәрбияләнүче талантлы яшүсмерләр, тәрбиягә алган һәм опекун гаиләләрендә яшәүче балалар, шулай ук интернат мәктәпләрдә яшәүче балалар катнаша ала. Катнашучыларның яше 7 яшьтән 18 яшькә кадәр булырга тиеш. 

Проектта катнашучылар читтән торып сайланачак.
 Алдагы конкурс Мәскәүдә узачак. Балаларны һәм аларны озата йөрүчеләрне юл бәясе, яшәү һәм туклану чыгымнарын НТВ телеканалы үз өстенә алачак.

Конкурска гаризалар 2022 елның 15 маена кадәр кабул ителә.
 

2022 елның 29 апреленнән 2 маена кадәр Ульяновск өлкәсенең «СМАРТ» мәгариф лагере базасында «Белем бирү Воркшоп «Дуслык күпере 3.0» IV регионара яшьләр форумы узачак.
Форум программасы шәхси, лидерлык һәм идарә итү компетенцияләрен камилләштерү, эшлекле һәм мәгариф программалары үз эченә ала.
Форумда гомуми белем бирү, һөнәри белем бирү, югары белем бирү мәгариф учрежденияләре укучылары, педагоглар, иҗтимагый берләшмә координаторлары һәм лидерлары, мәдәниятара хезмәттәшлек, яшьләр белән эшләү оешмалары белгечләре, дәүләт яшьләр сәясәтен гамәлгә ашыру функцияләрен башкаручы белгечләр һәм 14 яшьтән 35 яшькә кадәрге затлар катнаша ала.
 

6 март көнне традицион ""Зөя утрау-шәһәрчеге коймак бәйрәме" булачак.
Программада коймак пешерү, традицион җырлар һәм әйлән-бәйлән, коймак, белен, бал ярминкәсе, һөнәрчелек һәм ашханә мастер-класслары.
Тулырак мәгълүмат белән ostrovgrad.org сайтында һәм «Зөя утрау-шәһәрчеге» музей-тыюлыгы социаль челтәрләрендә танышырга була.
ЧАРАЛАР ПРОГРАММАСЫ
 

14 март Россиянең хәзерге заман тарихы дәүләт үзәк музеенда Алабуга дәүләт музей-тыюлыгы фондларыннан «Татарларда кунакта» күргәзмәсен ачу тантанасы узачак.
2022 елгы күргәзмәләр сериясе Россия халыкларының мәдәни мирасы елына багышланган. Экспозиция 5 бүлектән тора һәм татар тарихы, мәдәнияте, кулинария традицияләре, әдәби мирас, борынгы һәм заманча сәнгать турында бай материалларны үз эченә ала. 
Килүчеләр XIX гасыр ахыры - XX гасыр башы этнографик материалларын, предметлар арасында - кием-салым, хезмәт кораллары, савыт-саба, йорт җиһазлары, музыка кораллары, үсемлек орнаменты белән чигелгән әйберләр күрә алачак.
Күргәзмә декоратив-гамәли сәнгать осталары хезмәтләре белән таныштырачак. Бигрәк тә күренекле читекләр - төсле күннән тегелгән аяк киеме, йомшак һәм каты эчле чүәкләр, шулай ук үсемлек орнаменты белән чигелгән мендәрләр һәм паннолар белән таныша алачаклар- биредә традицион татар сәнгате аеруча ачык күрсәтелгән.
 

3 март көнне Бөтендөнья язучылар көне билгеләп үтелә. Ә сез республикабызда бөек һәм данлыклы язучылар, шагыйрьләр һәм драматургларның исемнәре белән бәйле булган урыннарның барлыгын белә идегезме? ТР Милли музее белән берлектә без Татарстанның әдәби урыннары буенча гид ясадык!
Казан
Районнар
Максим Горький исемендәге премия
Марина Цветаева исемендәге премия
Фатих Хөсни исемендәге премия
Гаяз Исхакый исемендәге премия
Абдулла Алиш исемендәге премия
Җамал Вәлиди исемендәге премия
Туфан Миңнуллин исемендәге премия
Һади Такташ исемендәге премия
Шәйхи Маннур исемендәге премия
Шәриф Камал исемендәге премия
Саҗидә Сөләйманова исемендәге премия
 

"КАРДО" урам сәнгате һәм спорт үсешенә өлеш керткән өчен Халыкара конкурс-премияне оештыручылар проектның яңа сезонын анонсладылар.
2017 елда проектның 1 сезоны 6 номинация белән ачылды: MEDIA, SOCIETY, BUSINESS, DANCE, PARKOUR, WORKOUT. 
Ә инде юбилей сезоны катнашучыларга берьюлы 15 юнәлеш тәкъдим итәргә әзер: BMX, MEDIA, SCOOT, SOCIETY, HIP-HOP, PARKOUR, TRICKING, BUSINESS, BREAKING, WORKKOUT, GRAFITI, FRERUNING, SKATEBOARDING, STREETBALL , DJ.
Премиядә урам сәнгатен һәм спортны яраткан 16 яшьтән өлкәнрәк һәркем катнаша ала, гаризаны "КАРДО" рәсми сайтында (http://kardoaward.com) калдырырга мөмкин.
Проект 3 этапка бүленгән, барлык чаралар 2022 елның 1 февраленнән 11 сентябренә кадәр дәвам итәчәк

2022 елның 1 мартында «Табуретка» XII Бөтенроссия балалар театр-шигъри Фестиваленә гаризалар кабул итү башланды. 
Чарада музыкаль юнәлештәге, драма, курчак театрлары балалар һәм яшүсмерләр театр коллективлары катнаша ала. Коллективта катнашучыларның яше 18 яшьтән артмаска тиеш. 
«Табуретка» фестиваленең театр финалында катнашучыларның барысы да дипломнар һәм призлар белән бүләкләнә.
 Гаризалар 1 марттан 1 июльгә кадәр кабул ителә.
Сайлап алу туры: 1 май - 1 август
Финал: көз көне Санкт-Петербург шәһәрендә узачак.
 Фестивальнең регламенты http://taburetkafest.ru/content/652/taburetka-reglament 
Гариза формасы http://taburetkafest.ru/zayavka-festival
Фестивальнең барлык яңалыкларын, спектакль һәм тавыш бирү турында фикер алышуны
фестиваль төркеменең https://vk.com/taburetka_fest и taburetkafest.ru сайтында укый аласыз.
 

4 март көнне 18:00 сәгатьтә Лобачевский урамында урнашкан ТР Композиторлар союзы залында Халыкара конкурслар лауреаты, сопрано Айсылу Сәлманова (фортепиано партиясе Татьяна Максимова) вокаль музыка концерты узачак.
Программада  Г.Ф.Гендель,  В. Беллини,  П.И. Чайковский, С.В. Рахманинов, Р.М. Яхин әсәрләре яңгыраячак. Концертны Мария Ватагина алып бара.
Керү ирекле.
 

14-19 март Әлмәт шәһәренең “Әлмәт” иҗтимагый үзәгендә Almet Music Lab музыкаль лабораториясе узачак. 
Лаборатория "Әлмәт" иҗтимагый үзәге һәм Президент мәдәни инициативалар фонды ярдәме белән Yummy Music татар лейблы тарафыннан уздырыла. Лабораториянең барлык чараларында катнашу - бушлай.
Гариза бирү өчен форма лабораториянең рәсми сайтында: almetmusiclab.ru
Катнашучыларның трансфер, яшәү һәм туклану чыгымнарын оештыручылар үз өстенә ала. Гаризалар кабул итү башланды һәм 9 мартка кадәр дәвам итәчәк. 9 марттан соң оештыручылар лабораториянең көндезге этабына 10 катнашучыны сайлаячак. Тур башланыр алдыннан һәркем Татарстан Республикасы Милли китапханәсендә 11-12 мартта төрки музыка темасына лекцияләр тыңлый алачак.
Музыкаль лаборатория нәтиҗәләре буенча альбом чыгарылачак, ул 1 апрельдә барлык музыкаль платформаларда чыгачак.