Әлмәттә Almet Music Lab музыкаль лабораториясе узачак
14-19 март Әлмәт шәһәренең “Әлмәт” иҗтимагый үзәгендә Almet Music Lab музыкаль лабораториясе узачак.
Лаборатория "Әлмәт" иҗтимагый үзәге һәм Президент мәдәни инициативалар фонды ярдәме белән Yummy Music татар лейблы тарафыннан уздырыла. Лабораториянең барлык чараларында катнашу - бушлай.
Гариза бирү өчен форма лабораториянең рәсми сайтында: almetmusiclab.ru
Катнашучыларның трансфер, яшәү һәм туклану чыгымнарын оештыручылар үз өстенә ала. Гаризалар кабул итү башланды һәм 9 мартка кадәр дәвам итәчәк. 9 марттан соң оештыручылар лабораториянең көндезге этабына 10 катнашучыны сайлаячак. Тур башланыр алдыннан һәркем Татарстан Республикасы Милли китапханәсендә 11-12 мартта төрки музыка темасына лекцияләр тыңлый алачак.
Музыкаль лаборатория нәтиҗәләре буенча альбом чыгарылачак, ул 1 апрельдә барлык музыкаль платформаларда чыгачак.