ЯҢАЛЫКЛАР
Бүген Татарстан мәдәният министры Ирада Әюпова ТР Продюсерлар Берлеге оештыручылары - берлек рәисе Рифат Фәттахов, идарә әгъзалары Рөстәм Сәрвәров, Айгөл Зәйнуллина, Җәүдәт Гыйльманов белән очрашты. Очрашуда министр урынбасары Дамир Натфуллин катнашты.
«Казан Кремле» музей-тыюлыгы 2022 елның 16 декабреннән 2023 елның 15 гыйнварына кадәр Яңа ел чаралары әзерләде. Казан Кремленең Яңа ел программасында - балалар тамашалары, музей күргәзмәләре һәм Кремль территориясе буенча экскурсияләр, аниматорлар чыгышлары, квестлар һәм башкалар оештырылачак. Яңа ел бәйрәмнәрен Казан Кремлендә уздырырга чакырабыз!
16 декабрьдә «Казан Кремле» Музей-тыюлыгында Татарстан Республикасы мәдәният министры Ирада Әюпова бөтенроссия һәм халыкара конкурсларда җиңүчеләр, талантлы балалар һәм яшьләр, Министрлык стипендиатлары һәм яшь белгечләр белән очрашты.
Бүген 16 декабрь көнне «Сәйдәш» мәдәни үзәгендә «Театраль Идел буе» балалар һәм яшьләр театр коллективлары фестиваленең төбәк этабында җиңүчеләрнең чыгышлары булып узды. Алга таба фестивальнең округ этабында катнашу (катнашу дистанцион рәвештә бара) көтелә.
16 декабрьдә «Казан Кремле» Музей-тыюлыгының «Эрмитаж-Казан» үзәгендә «Алтын курчак чоры» күргәзмәсе ачыла, Күргәзмәсирәк экспонатларга багышлана һәм йөз алтмыштан артык предметны тәшкил иткәнуникаль курчакларнытәкъдим итәчәк. Курчаклар күргәзмәсе 2022 елның 16 декабреннән 2023 елның 22 гыйнварына кадәр эшләячәк.
22 декабрь 18:30 сәгатьтә Г.Тукай исемендәге Татар дәүләт филармониясендә Мариин театры солисты, опера һәм эстрада җырчысы, Россиянең атказанган артисты Владимир Самсонов (баритон / Санкт-Петербург) һәм ТР халык уен кораллары дәүләт оркестры башкаруында «Раштуа утлары сериясе» концерт программасы тәкъдим ителәчәк. Баш дирижёр һәм сәнгать җитәкчесе - Россиянең халык артисты Анатолий Шутиков.
15 декабрьдә Татарстан Республикасы Милли музеенда «Петергоф» музей-тыюлыгыннан «Кызык өчен генә түгел, эш өчен дә» интерактив күргәзмәсе ачылды. Килүчеләргә бу юлы экспонатларны карарга һәм дә кагылырга да мөмкин.
Кичә Пушкин исемендәге Мәдәни үзәктә Арт-резиденциянең «Созвездие-Йолдызлык» хикәя - спектакле күрсәтелде.
1 февральгә кадәр «Нәүрүз» XVI Халыкара төрки халыклар театр фестивалендә катнашу өчен гаризалар кабул итү дәвам итә.
Кичә Мәскәүдә Дәүләт Третьяков галереясенең Инженерлык корпусында Татарстан Республикасы мәдәният министры Ирада Әюпова һәм Третьяков галереясе директоры Зелфирә Трегулова Татарстан Республикасы Президенты Рөстәм Миңнеханов катнашында Татарстан Республикасы Мәдәният министрлыгы һәм "Дәүләт Третьяков галереясе" бөтенроссия музей берләшмәсе” Федераль дәүләт бюджет мәдәният учреждениесе арасында хезмәттәшлек турында Килешү имзаладылар.