ЯҢАЛЫКЛАР
Инвалидлар декадасы кысаларында Тинчурин театры 7 декабрьдә Яшел Үзәндә чыгыш ясады. Шәһәрнең мәдәниятне үстерү үзәгендә «Менә сиңа куш кулым» инклюзив бәби-спектакле күрсәтелде.
Бүген Сальвадор мәдәният министры Мариэмм Эунисе Плейтес Киньонес Россия Федерациясендә Сальвадор Республикасының Гадәттән тыш һәм Тулы вәкаләтле илчесе Сантакрус Пердомо Юрий Павел белән ТР мәдәни учреждениеләре белән танышты.
26 декабрьдә 18.30 сәгатьтә Г.Камал исемендәге театрда Гран-при иясе Мөслим районы Халык театры «Зәңгәр шәл» спектаклен күрсәтә һәм «Идел-йорт - 2022» ХII төбәкара театр коллективлары конкурсында җиңүчеләрне бүләкләү тантанасы була.
С.Өметбаев исемендәге Минзәлә татар дәүләт драма театрында I Бөтенроссия бәби-театрлар фестивале тәмамланды. Минзәлә районының мәктәпкәчә яшьтәге 300 сабые өч көн эчендә 9 спектакль карады. Алар арасында мобилизацияләнгән гаилә балалары да бар иде. Бу оештыручылардан бүләк булды.
9 декабрьдә Яшел Үзән шәһәренең Сәнгать галереясендә балалар өчен «Яшел Үзән тылсымнары» мультимедияле туган як проектын тәкъдир итү булачак. Проект укучыларны Яшел Үзән шәһәре һәм Татарстан Республикасы Яшел Үзән районы тарихына һәм тикшеренүләренә җәлеп итү өчен тәкъдим ителә. Проект Президент мәдәни инициативалар фонды ярдәмендә гамәлгә ашырыла.
Бүген Татарстан Республикасы Мәдәният министрлыгы бинасында Татарстан Республикасы мәдәният министры Ирада Әюпова Сальвадор мәдәният министры Мариэмм Эунисе Плейтес Киньонес һәм Россия Федерациясендә Сальвадор Республикасының Тулы вәкаләтле илчесе Сантакрус Пердомо Юрий Павел белән очрашты.
Бүген Татарстан Республикасының «Хәзинә» Милли сәнгать галереясендә РФ Тунис Республикасының Илчелеге һәм Санкт-Петербургның Дәүләт Рус музее ярдәме белән «Александр Рубцов. Тунис белән Россия арасында» дип исемләнгән күргәзмәсе ачыла. Быел коллекционерның зур монографик җыелышы Санкт-Петербургта Дәүләт Рус музеенда күрсәтелгән иде һәм менә хәзер әлеге күргәзмә Казанда ТР ДССМ «Хәзинә» Милли сәнгать галереясендә тәкъдим ителә.
2022 елның 1 декабрендә «Халык проекты» мәгариф һәм тәрбия инициативаларына ярдәм фонды «Мин стильдә» проектын башлап җибәрде, ул Президент мәдәният инициативалары фондының грант конкурсында җиңүче булды һәм 2022-2023 елларда проектны гамәлгә ашыру өчен финанслар алды.
10-11 декабрьдә Казанда «Алмаш» («Смена») заманча мәдәният үзәгенең унынчы Кышкы китап фестивале узачак. Төп программа Татарстан Республикасы Милли китапханәсендә һәм «Алмаш» заманча мәдәният үзәгендә үтәчәк.
Көньяк Урал Дәүләт тарихи музееның Романовлар залында 2022 елның 6 декабрендә беренче тапкыр картина бүләк итү тантанасы узачак.