Казан рәссамы картинасын Көньяк Урал тарих музее бүләккә алачак
Көньяк Урал Дәүләт тарихи музееның Романовлар залында 2022 елның 6 декабрендә беренче тапкыр картина бүләк итү тантанасы узачак.
Сүз Татарстан Республикасының иң кызыклы рәссамнарының берсе, Россия һәм Татарстан Рәссамнары берлеге әгъзасы Ирек Мусинның «Бүре аулау» әсәре турында бара.
Рәсем сәнгатен күмәкләштерү һәм җәмгыятькә иң яхшы җыелмаларны бүләк итү, меценатлык күптән инде Россиядә җәмәгать эшлеклеләре өчен яхшы традициягә әверелде. Бүген бу традицияне илнең күп кенә җәмәгать һәм дәүләт эшлеклеләре күтәрәләр һәм хуплыйлар.
Иң күркәм мисалларның берсе - Чиләбедә истәлекле вакыйга. Музейга картинаны Россия Федерациясенең Златоуст сайлау округы буенча Дәүләт Думасы депутаты Олег Колесников гаиләсе һәм Чиләбе өлкәсе Закон чыгару җыелышы депутаты, Чиләбе өлкәсе татарлары конгрессы рәисе Лена Колесникова тапшыра.
Бүләкләү тантанасында Чиләбе өлкәсе Закон чыгару Җыелышы депутаты, Чиләбе өлкәсе татарлары конгрессы рәисе Л.Р. Колесникова, Чиләбе өлкәсе мәдәният министры А.В. Бетехтин һәм Көньяк Урал Дәүләт тарихи музее директоры В.И. Богдановский катнашачак.