ЯҢАЛЫКЛАР
24 февральдә сәгать 16.00 да ТР ДСМ «Хәзинә» Милли сәнгать галереясында «Бакый Урманче. Төс белән чигелгән хатирәләр» күргәзмәсе ачылачак. Бакый Урманче (1897-1990) – рәссам, сынчы, график, РСФСРның халык рәссамы (1982), Габдулла Тукай исемендәге Республика премиясе лауреаты (1967), Татарстанның милли сынлы сәнгатенә нигез салучы. Архив документлары һәм сирәк күрсәтелә торган әсәрләр аша күргәзмә Урманче мирасының төп аспектын – останың татар халкы тормышына һәрьяклап кушылганлыгын яктыртачак. Экспозиция 11 оешманың: Казан Музей комплексы, Мәрҗани Фонды (Мәскәү), Н.И. Лобачевский исемендәге Фәнни китапханә (КФУ) һ.б. берлектәге эше нәтиҗәсендә барлыкка килде.
2026 елның 4-8 сентябрендә Казанда XXII Казан халыкара «Алтын мөнбәр» кинофестивале узачак – ул гомумкешелек рухи-әхлакый кыйммәтләрен һәм мәдәни традицияләрен чагылдырган, милләтеннән һәм конфессиональ карашыннан аермалы буларак, тынычлык урнаштыру, дингә түземлелек һәм гуманизм идеяләрен күтәргән нәфис, документаль һәм анимацияле фильмнар конкурсы.
Исегезгә төшерәбез, Татарстан Республикасы V сезонда «Театраль Идел буе» фестиваленең яшьләр номинациясендә афиша яки плакатны иң яхшы эшләү конкурсында җиңүче булды. Фестивальнең V сезоны конкурсында Татарстан Республикасы рәссамы, Н.И.Фешин исемендәге Казан сәнгать училищесы студенты Яна Попеско җиңүче булды.
25-27 февральдә Казанда герой-шагыйрь Муса Җәлилнең 120 еллыгына багышланган «Җәлил укулары» Бөтенроссия фәнни конференциясе узачак. Оештыручылар – Татарстан Республикасы Милли музее, Татарстан Республикасы Мәдәният министрлыгы ярдәме белән һәм КФУның Филология һәм мәдәниятара багланышлар институты.
12 февральдә 16:00 сәгатьтә ТР Дәүләт сынлы сәнгать музее Заманча сәнгать галереясында Виктор Аршиновның «Муса Җәлилгә багышлау. Рәсемнәр һәм графика» күргәзмәсе ачыла.
20 февральдә 18:30 сәгатьтә дәүләт оешмалары урнашкан бинадасының
Күргәзмәләр залында «Хуҗа, сугышчы, оста: Идел буе халыкларының ир-атлар дөньясы» дигән лекция узачак.
2026 елның 15 февралендә татар шагыйре, Советлар Союзы Герое, Ленин премиясе лауреаты, исеме батырлык, Ватанга тугрылык һәм шигъри сүз көче символына әверелгән Муса Мостафа улы Җәлилнең тууына 120 ел тула. Казанда юбилей уңаеннан тантаналы чаралар узачак.
2025 елның 16 декабреннән Бердәм дәүләт хезмәтләре порталында пилот режимында махсус сервис — «СВОда катнашучы статусын раслау өчен QR-код» эшли башлады.
10 февральдә, А.С. Пушкинны искә алу көнендә, Казан Кремлендәге Ислам мәдәнияте музеенда «Күк китабыннан күчереп алынган исемлек...» дигән күргәзмәнең тантаналы ачылышы узды. Бу уникаль проект бөек рус шагыйре Александр Пушкинның «Коръәнгә иярү» шигъри циклының беренче басылып чыгуына 200 ел тулу уңаеннан әзерләнгән.
12 февральдән башлап Татарстан кинотеатрларында тулы метражлы «Кара урман» нәфис фильмын прокатка чыгару башлана. Татарстан кинематографистлары тарафыннан төшерелгән бу фильм тамашачыларны серле һәм мистик вакыйгаларга батыра.