ЯҢАЛЫКЛАР

19 февральдә 15:00 сәгатьтә Татар дәүләт «Әкият» курчак театрында «Курчак мультипликациясе тарихы: узганга караш, бүгенгегә караш» дигән күчмә интерактив күргәзмә ачыла. Бу уникаль мәдәни проект курчак анимациясенең барлыкка килүеннән алып заманча технологияләргә кадәр үсеш юлы турында сөйли.

«Казан Кремле» музей-тыюлыгына Ибн Фадланның «Язмалар» кулъязмасының физик күчермәсе һәм ислам мәдәнияте буенча кыйммәтле китаплар коллекциясе тапшырылды.

11 февральдә 16:00 сәгатьтә ТР Дәүләт сынлы сәнгать музее Заманча сәнгать галереясында «Дәвамлы агач тарих. Казанда Том Сойер Фестка 10 ел» күргәзмәсе ачыла. Экспозиция шәһәрнең тарихи йөзен саклауга багышланган волонтерлар хәрәкәтенең ун еллык эшчәнлегенә нәтиҗә ясый.

14 февральдә Халыкара китап бүләк итү акциясе Россиян дә кертеп, 40 тан артык илдә бер үк вакытта узачак. Китап бүләк итү көне 2012 елдан башлап ел саен билгеләп үтелә, ул китап бүләк итүче һәм укуга мәхәббәт тәрбияләүче кешеләрне берләштерә. Бәйрәм кәгазь китапны популярлаштыруга һәм хәйриячелеккә юнәлдерелгән, ул балаларга, дусларга китап бүләк итәргә һәм аларны китапханәләргә тапшырырга өнди.

Татарстан Республикасы Мәдәният министрлыгы Татарстан Республикасының халык артисткасы Әлфия Әвзал кызы Авзаловага һәйкәлнең иң яхшы эскиз проектына ачык иҗади конкурс үткәрү турында игълан итә.

12 февральдә Татарстан Республикасы Милли музее филиалы — «Гаделлек тарихы» музей-белем бирү үзәгендә дәүләт төзелешенең төп аспектына багышланган «Россия дәүләтенең суверенитетын саклау: тарих һәм хәзерге заман» күргәзмәсе ачылачак.

Ватанны саклаучылар көне алдыннан, 19 февральдә, «Гаделлек тарихы» музей-белем бирү үзәгендә «...һәм минем балтам!» дигән күргәзмә ачылачак. Бу — Татарстан Республикасы Милли музее тупланмасыннан сугу һәм чабу коралларының коллекцион күрсәтүе.

13 февральдә дөньякүләм танылган опера җырчысы Фёдор Иванович Шаляпинның тууына 153 ел тула. Бу көнне традиция буенча «Шаляпинга бүләк» программасы узачак.

11 февральдә 15:00 сәгатьтә Казанның Маяковский урамы, 30/16 йорты фасадында Татарстан Республикасы Мәдәният министрлыгы иҗтимагый советы әгъзасы, совет һәм Россия архитекторы, Бөтенроссия тарих һәм мәдәният истәлекләрен саклау җәмгыятенең Татарстан бүлеге рәисе, Татарстан Республикасының атказанган архитекторы Фәридә Мөхәммәд кызы Забировага мемориаль такта ачылачак.

10 февраль – Александр Сергеевич Пушкинны искә алу көне. 1837 елның 10 февралендә бөек рус шагыйре дуэльдә алган ярадан вафат була. Бу көн традиция буенча аның тормышы, иҗаты һәм әдәби мирасы турында уйлану өчен сәбәп булып тора.