ЯҢАЛЫКЛАР
2022 елның 19 февралендә Аяз Гыйләҗев исемендәге Яр Чаллы татар дәүләт драма театрында яшь каллиграф, Мимар Синан исемендәге Истанбул сәнгать университеты студенты, Россия һәм Халыкара күргәзмәләр һәм конкурслар лауреаты Айзат Минһаҗевның «qot» дип исемләнгән шәхси күргәзмәсе ачыла. Проект ТР Мәдәният министрлыгы ярдәмендә гамәлгә ашырылды.
Күргәзмә татар каллиграфиясе сәнгатен, татар халкы тарихын торгызуга һәм танытуга багышланган. Рәссам гарәп, латин графикасы, рун язуы, шулай ук кириллица, кытай каллиграфиясе, заманча гарәп типографиясен кулланып үз стилендә иҗат итә.
Күргәзмәдә төрле материалларда эшләнгән хезмәтләр тәкъдим ителәчәк - бетон плитәләр, пыяла һ.б.
Күргәзмәгә керү өчен теркәлү узарга кирәк:
15 февраль Арча балалар сәнгать мәктәбе базасында Татарстан Республикасы мәдәният министры И.Х.Әюпова, Арча муниципаль районы башлыгы И.Г.Нуриев һәм “Арча шәһәре” муниципаль берәмлеге башкарма комитеты җитәкчесе Р.Ф.Касыймов катнашында халык җыены булып узды.
Очрашу барышында Ирада Хафизҗан кызы Татарстанның «Мәдәният» милли проектларын, «Пушкин картасы» программасын гамәлгә ашырудагы уңышларны сөйләп үтте.
Шулай ук мәдәният тармагын цифрлаштыру, креатив индустрияләрне үстерү, матди булмаган мәдәни мирасны саклау буенча куелган бурычлар да яңгырады.
2022 елда “Мәдәният” милли проекты кысаларында Арча балалар сәнгать мәктәбендә капиталь ремонт үткәрү планлаштырыла, дип билгеләп үтте министр.
2022 елның 17 - 21 февралендә «Казан ярминкәсе» күргәзмә үзәгендә 13 нче махсус оештырылган «АРТ - галерея. Казан» күргәзмәсенә чакыра.
Күргәзмәгә үз әсәрләрен Казаннан һәм гомумән, Татарстан Республикасыннан 170тән артык рәссам, Россиянең 9 төбәгеннән килгән 20 шәһәр вәкиле тәкъдим итәчәк.
Күргәзмә үзәкнең ике павильонында - 3 нче номерлы павильонда һәм төп павильонда урнашачак.
Шулай ук күргәзмә кысаларында Казан һәм Татарстан Республикасы оешма вәкилләренең «Сәнгать һәм бизнес» дип исемләнгән эшлекле очрашулары планлаштырыла. Бизнес-очрашулар 18 февральдә 13.00 сәгатьтә 3 нче павильонда узачак.
А.С. Пушкин исемендәге мәдәни үзәк һәм ЖИВаGO төркеме Халыкара туган тел көненә багышланган «Яңа мәгънәләр» уртак программасын тәкъдир итә.
Программада рус классиклары шигырьләренә - Державин, Пушкин, Пастернак, Цветаева, Бродский, Есенин, Маяковский, Блок - авторлык композицияләре тәкъдим ителә.
Программада шулай ук Татарстан авылларында җыелган фольклор материал нигезендә җырлар яңгыраячак.
Концертлар 21 февральдә 13.00 һәм 15.30 сәгатьтә А.С.Пушкин исемендәге мәдәни үзәктә узачак.
Билетларны kassir.ru (Пушкин картасы буенча) алырга мөмкин.
12 февральдә Татарстан киносы көннәре кабат Свердловск өлкәсенә әйләнеп кайтты.
Татарстан кунакларын сәламләргә югары дәрәҗәле кунаклар - ТР УрФОдагы даими вәкиле Хәйдәр Гыйльфанов, Свердловск өлкәсенең мәдәният министры урынбасары Роман Дорохин, "Пенетрон" компанияләр төркеме президенты, Россиянең атказанган төзүчесе Игорь Черноголов килде.
Свердловск өлкәсендә “Татаркино” дүрт фильм тәкъдим итәчәк. Алар арасында Илшат Рәхимбайның “Әпипә”, Рамил Фазлыев белән Рәшит Маликовның “Сөмбел”, Илдар Ягъфаровның “Байгал” һәм “Исәнмесез”фильмнары бар.
Татарстан көннәре 26-нчы февральгә кадәр дәвам итәчәк. Чаралар Свердловск өлкәсендә тугыз мәйданчыкта узачак.
17 февраль Татарстан Республикасы Дәүләт сынлы сәнгать музееның «Хәзинә» Милли сәнгать галереясендә Татарстан Республикасының халык рәссамы, Россиянең атказанган рәссамы, Габдулла Тукай исемендәге ТР Дәүләт премиясе лауреаты, Бакый Урманче исемендәге ТР Мәдәният министрлыгы Премиясе лауреаты, СССР һәм Татарстан Республикасы рәссамнары берлеге әгъзасы София Данил кызы Кузьминаның 95 еллык юбилеена күргәзмә ачылачак.
Юбилей күргәзмәсендә рәссамның 1970 еллардан бирле башкарылган һәм ТР ДССМ фондларыннан 100 гә якын әсәр тәкъдим ителәчәк.
20-23 февральдә Татарстан Республикасының Дәүләт академия симфоник оркестры сәнгать җитәкчесе һәм баш дирижеры, Россия һәм Татарстанның халык артисты, профессор Александр Сладковский җитәкчелегендә Дәүләт академия симфоник оркестры Дубай операсында, шулай ук Mall of the Emirates театрының Symphonic Midle East фестивале концерт мәйданчыгында чыгыш ясаячак.
Александр Сладковский идарәсендә ТР Дәүләт академия симфоник оркестры дүрт көнлек концерт программасы тәкъдим итәчәк, ул чын-чынлап уникаль, традицияләр һәм заманның ныклыгын берләштерүче концертлар булачак.
Дирижер - маэстро Александр Сладковский.
Барлык концертлар 19:00 сәг. башлана.
19 февральдә Алмаш ("Смена") хәзерге заман мәдәният үзәгендә Швеция, Россия, Испания һәм Англия рәссамнары катнашында "Хәрәкәттә хатын-кызлар" коллектив күргәзмәсе ачылачак.
Күргәзмә кураторы - сәнгать белгече, укытучы һәм язучы Мария Линд.
Вакыйга Швеция Вәкиллеге ярдәмендә оештырылган.
Күргәзмә турында тулырак мәгълүмат түбәндәге сылтамада:
https://s-m-e-n-a.org/2022/02/06/vystavka-zhenshiny-v-dvizhenii/
Күргәзмә 2022 елның 15 маена кадәр дәвам итәчәк.
15 февраль көнне Казанда герой-шагыйрь Муса Җәлилнең (1906-1944) туган көнен билгеләп үттеләр. 1 Май мәйданында Җәлил һәйкәленә чәчәкләр салынды.
Татарстан Республикасы Милли музеенда «Чынбарлык көне» программасы узды: музей фондыннан «Моабит дәфтәрләре» дип аталган чын кулъязмалар - Җәлилнең Берлин төрмәсендә язылган шигырьләре чыгарылды.
Көн дәвамында «Моабит дәфтәрләре» кулъязмасы Татарстан Республикасы Милли музее экспозициясендә халыкка күрсәтелде. Иң кыйммәтле тарихи әсәрне теләгән һәркем күрә алды. Бу көнне музейга керү бушлай булды.
2022 елның 15 февралендә Россиянең атказанган рәссамы, Татарстанның атказанган сәнгать эшлеклесе һәм халык рәссамы Зөфәр Фаат улы Гыймаев 72 яшендә вафат булды.
Рәссам белән хушлашу бүген 12.30 сәгатьтә Чистай урамындагы Казан Нуры мәчетендә узачак.
Татарстан Республикасы Мәдәният министрлыгы рәссамның туганнары һәм якыннарының кайгысын уртаклаша.