ЯҢАЛЫКЛАР
2022 елның 8-22 декабрендә С.Сәйдәшев исемендәге Дәүләт Зур Концертлар залында Н.Г.Җиһанов исемендәге Казан дәүләт консерваториясе I музыкаль-агарту фестивален тәкъдим итәчәк. Проект бер-берсеннән аерылып торган биш төрле концерттан торачак.
Татарстан Республикасы Буа районы балалар сәнгать мәктәбендә «Мәдәният» милли проектының «Цифрлы мәдәният» федераль проекты кысаларында булдырылган виртуаль концерт залы ачылды.
2022 елның 2 декабрендә 12.00 сәгатьтә "Р.Миңнуллин исемендәге республика балалар китапханәсе" дәүләт бюджет мәдәният учреждениесендә Татарстан Республикасының муниципаль берәмлекләреннән конкурсантлар катнашында "Елның балалар китапханәсе - 2022" һәм "Елның балалар китапханәчесе - 2022" республика һөнәри конкурс йомгаклары буенча бүләкләү тантанасы булды.
Цирк, театр, хореография сәнгате жанрларын үз эченә алган яңа тамаша Яңа ел бәйрәме ял көннәрендә күрсәтеләчәк. Премьера 2022 елның 17 декабренә билгеләнгән.
1 декабрьдә Казанда беренче ислам дине буенча финанслау офисы ачылды. Офиста ТР Милли музееннан урын тәкъдим ителде, анда республикада ислам дине тарихы турында сөйләнә.
Ачылыш тантанасында ТР Президенты Рөстәм Миңнеханов булды.
2022 елның 3 һәм 4 декабрендә М.Җәлил исемендәге Татар академия опера һәм балет театрында «Yзгәреш җиле» VII татар җыры фестивале узачак. Башлана 18.00 сәгатьтә.
2022 елның 5-15 декабрендә Габдулла Тукай исемендәге Татар дәүләт филармониясенең концертлар залында Татарстан Республикасының иң эре мәдәни вакыйгаларының берсе - «Филармониада» XV Халыкара сәнгать фестивале узачак.
Кичә 30 ноябрьдә «Әкият» курчак театрында Нәкый Исәнбәт әсәре буенча «Мырау батыр» спектаклен гади тамашачылар белән беррәттән, сукыр һәм начар күрүчеләр өчен Лаеш мәктәп-интертаты, сәламәтлеге чикләнгән балалар өчен 172 нче номерлы Казан мәктәбе укучылары һәм Бөтенроссия сукырлар җәмгыяте әгъзалары карады. Спектакль тифлокомментарийлар белән узды.
5 декабрь 11:00 сәгатьтә К.Тинчурин исемендәге Татар дәүләт драма һәм комедия театрында «Сәйяр» балалар һәм яшүсмерләр театрлары фестивале җиңүчеләрен һәм призерларын бүләкләү тантанасы узачак.
30 ноябрьдә Казан дәүләт яшь тамашачы театры үзенең 90 еллык юбилеен билгеләп үтте. Сәхнәдә "Мин - Казан дәүләт яшь тамашачы театры" спектакле күрсәтелде, ул актриса һәм драматург Анна Иванова һәм режиссер Лилия Әхмәтҗанова тарафыннан юбилей уңаеннан махсус әзерләнде.