ЯҢАЛЫКЛАР
26 апрельдә Казанда ел саен “Мин татарча сөйләшәм!” татар теленә ярдәм итү акциясе узачак. Аның бер мәйданчыгында беренче тапкыр Казан Кремле булачак. Ишегалдында тере татар музыкасы һәм ярминкә концерты булачак.
Бүген Татарстан Республикасы Мәдәният министрлыгында «Мәдәният» милли проектын гамәлгә ашыру йомгаклары буенча Татарстанда проект үсеше проблемаларына һәм перспективаларына багышланган коллегия утырышы узды.
16 майда, «Россия - Ислам дөньясы: KazanForum 2024» XV Халыкара икътисадый форумының мәдәни программасы кысаларында, Татарстан Республикасы Милли музеенда «Тере традиция» күргәзмәсе ачыла. Экспозиция ислам мәдәниятенең ике вакытлы катламын: борынгы артефактларны һәм заманча сәнгатьне берләштерә.
Татарстан халыклары дуслыгы йортында «Идел буе варислары» халык сәнгате фестиваль-конкурсына йомгак ясалды. Чарада мәктәпкәчә яшьтәге балалар Идел буе халыкларының милли җырлары һәм биюләре белән чыгыш ясады.
Традиция буенча ел саен 26 апрельдә 10.00 сәгатьтән 14.00 сәгатькә кадәр Алабуга дәүләт музей-тыюлыгы Алабугалылар һәм шәһәр кунаклары өчен бөек татар шагыйренең туган көненә багышланган «Тукай укыйм» әдәби проектын оештыра. Бу көнне Көмеш гасыр китапханәсендә (Алабуга, Казан ур., 59) Габдулла Тукай әсәрләре рус һәм татар, инглиз һәм немец телләрендә һәм башка телләрдә яңгыраячак.
Салих Сәйдәшев исемендәге Түбән Кама музыка көллияте бәйрәм концерты белән үзенең 55 еллыгын билгеләп үтте.
2024 елның 19-20 апрелендә «Апуш» иҗат берләшмәсенең «Без» балалар театр студиясе, ул «Балалар театр коллективлары һәм студиясе» номинациясендә 2 нче урынны алган, «Театраль Идел буе» балалар һәм яшьләр театр коллективлары фестиваленең V сезонында Фестивальне популярлаштыру кысаларында Чаллы шәһәренә гастрольләр белән барды.
Бүген бөтен дөньяда яһүдләр бөек яһүд бәйрәмен - Пейсахны бәйрәм итәләр!
Татарстанда 173 дән артык милләт вәкиле яши, шул исәптән яһүдләр җәмгыяте әгъзалары да. Республика территориясендә яшәүче халыкларның мөһим бәйрәмнәрен билгеләп үтү безнең өчен күркәм традициягә әйләнде. Безнең көч, тынычлыкта һәм татулыкта, барлык халыкларның гореф-гадәтләрен һәм мәдәниятен хөрмәт итүдә чагыла да инде.
Пейсах - ул барыннан да элек гаилә бәйрәме. Быел, Гаилә елында, бигрәк тә милли бәйрәмнәрне яратуыбыз, гаилә традицияләребезне саклап калуыбыз, туганнарыбызга һәм якыннарыбызга игътибарны юнәлтү, аралашу белән хозурлану, бер-беребезгә мәхәббәт һәм кайгыртучанлык бүләк итү мөмкинлеге бирүебез мөһим.
Сезгә нык сәламәтлек, гаилә иминлеге һәм бәхет телим!
Хөрмәт белән, Татарстан Республикасы мәдәният министры Ирада Әюпова
Бүген әтисе Олег Николаевич Дещеня-Стриж СВО зонасында батырларча һәлак булган кыз Элинага музыкаль инструмент - баян тапшырдылар. Кыз Татарстан Республикасы Сарман районының Җәлил бистәсе музыка мәктәбендә халык уен кораллары бүлегенең 1 нче сыйныфында укый.
2024 елның 16-18 нче апрелендә беренче тапкыр Ханты-Мансийскида Габдулла Кариев исемендәге Казан Татар дәүләт яшь тамашачы театрының гастрольләре узды. Гастрольләр «Большие гастроли» программасы ярдәмендә гамәлгә ашырылды, Россия Федерациясе Мәдәният министрлыгының Бөтенроссия гастроль-концерт планы нигезендә РОСКОНЦЕРТ ФДБУК тарафыннан оештырылды.