Тинчурин театрының Хип-хоперасы Милли фестиваль лонг-листына һәм "Театрның музыкаль йөрәге" премиясенә керде
Тинчурин театрының баш режиссеры Туфан Имаметдиновның куелышындагы "Флешка, рэп һәм мәхәббәт" Хип-хоперасы Милли фестиваль лонг-листына һәм "Театрның музыкаль йөрәге" премиясенә керде.
“Театрның музыкаль йөрәге” - бердәнбер милли премия. Ул бары тик заманча музыка театрында гына фокусны тота, формаларының төрлелегенә игътибар бирә- музыкаль-драматик спектакльләрдә, рок-операларда, мюзиклларда, оперетталарда, лайт-операларда һ.б.
Быел конкурска 100 гариза керде. Алар башка илләрдән, гомумән алганда, 48 шәһәрдән иде.
Быел бәйгедә катнашырга беренче тапкыр Россиянең милли театрларыннан милли телләргә куелган спектакльләр кабул ителде. Тинчурин театры премия лонг-листына кергән Россиянең бердәнбер милли театры булып чыкты.
Илгиз Зәйниев пьесасы буенча беренче татар рэп-операсы премьерасы Тинчурин театры сәхнәсендә 2024 елның мартында булды. Хип-хопера Ittifаq беренче татар рэп-төркеме иҗатына нигезләнгән.