ЯҢАЛЫКЛАР
Оешмаларның һәм гражданнарның электрон почталарына ведомстводан «Бәйрәм сертификатлары» турында ялган мәгълүматлы хәбәрләр килә башлаган.
XXII Казан халыкара «Алтын мөнбәр» кинофестивале 2026 елның 4–8 сентябрендә Казанда узачак. Кинофорум традицион рәвештә тирән әхлакый мәгънә, мәдәни традицияләр белән сугарылган һәм диннәренә, милләтенә карамастан, барлык халыкларга һәм мәдәниятләргә хөрмәт, тыныч яшәү принципларын чагылдырган нәфис, документаль һәм анимацион фильмнарны җыя.
Милли китап платформасында ил китапханәләренең китап фондларын тулыландыру өчен әдәби әсәрләрнең тәкъдим ителә торган исемлекләре бастырылган. Алар китап эше өлкәсендәге әйдәп баручы институцияләр: Россия Федерациясе Мәгариф министрлыгы, Россия Язучылар берлеге, Россия Китап берлеге, шулай ук берничә федераль китапханә тарафыннан формалаштырылган. Алар арасында – Россия дәүләт балалар китапханәсе, Россиянең Дәүләт публик тарихи китапханәсе, Россия дәүләт яшьләр китапханәсе һәм Россия дәүләт сәнгать китапханәсе.
7 һәм 8 мартта «Эрмитаж-Казан» Үзәгендә бәйрәм җыелма экскурсияләре узачак. Кунаклар Юсупов кенәзләре хатын-кызларының — тормыш юлы романнар өчен нигез була алган хатын-кызларның язмышлары белән танышачак. Татьяна Васильевна Энгельгардт кенәз Николай Борисовичка ике баласы тол калгач кияүгә чыккан. Зинаида Ивановна Нарышкина, ире үлгәч, Франциягә киткән һәм 50 яшендә үзеннән 20 яшькә кечерәк капитанга кияүгә чыккан. Россия сарае бу никахтан ризасыз булган, шунда кенәзбикә иренә граф титулын сатып алган.
Татарстан Халыклар Дуслыгы Йортында Бурятия мәдәнияте көннәре узды. Быел чара Казан шәһәре бурятларның Милли-мәдәни автономиясенә 10 ел тулуга багышланды. Бурятия мәдәнияте көнләре кысаларында, ай календаре буенча Яңа ел һәм Россия халыклары бердәмлеге елы хөрмәтенә, "Сагаалган-Шагаа 2026" исемле тантаналы концерт узды.
Н.Н. Добронравов исемендәге "Белем. Авторлар" Бөтенроссия җыр шигърияте конкурсына гаризалар кабул итү 31 мартка кадәр озайтылды. Конкурс Россия Федерациясе Президенты Владимир Путин йөкләмәсе буенча Россия "Белем" җәмгыяте тарафыннан үткәрелә. Конкурс кысаларында яшь һәм тәҗрибәле шагыйрьләр илнең әйдәп баручы артистлары белән эшләү аркасында киң аудитория табу мөмкинлеге алачак.
2026 елның апрелендә Россия Мәдәният министрлыгы ярдәме белән Россия Федерациясе Театр эшлеклеләре берлеге һәм Россия театр сәнгате институты — ГИТИСның берлектәге проекты — "Синең шанс | ГИТИС-фест" Халыкара студент спектакльләре фестивале узачак.
Татарстан Халыклар Дуслыгы Йортында Батырлык Дәресе узды — бу проект төрле милләт үсмерләре һәм яшьләре арасында Россия гражданлык идентиклыгы формалашуына ярдәм итүгә, Бөек Ватан сугышы һәм Махсус хәрби операция турында тарихи хәтерне саклауга, үсмерләрне һәм яшьләрне патриотик тәрбияләүгә юнәлдерелгән.
Татарстан Халыклар Дуслыгы Йортында «Дуслык һәм татулык дәресләре» дигән интерактив мәдәни-белем бирү проектының язгы сезоны башланды.
2026 елның 13 мартында М. Җәлил исемендәге Татар академия дәүләт опера һәм балет театры сәхнәсендә күренекле композитор, Татарстанның атказанган сәнгать эшлеклесе, Г. Тукай исемендәге Татарстан Дәүләт премиясе лауреаты Луиза Батыр-Болгариның «Кайту» исемле авторлык юбилей концерты була.