ЯҢАЛЫКЛАР
11-13 майда Казанда Чечен Республикасы мәдәният министры Айшат Рамзан кызы Кадырова катнашында Татарстан Республикасында Чечен мәдәнияте көннәре узачак. Өч көн дәвамында Чечен Республикасы мәдәният учреждениеләре милли сәнгатьнең иң яхшы үрнәкләрен күрсәтәчәк.
11 майда Татарстан Республикасы мәдәният министры Ирада Әюпова Чечен Республикасы мәдәният министры Айшат Кадыйрова белән очрашачак.
12 майда 15.00 сәгатьтә «Казан Кремле» музей-тыюлыгында Чечен Республикасының «ХIХ-ХI гасырларда Чечен Республикасы сәнгате» музее күргәзмәсе ачыла.
Депутатларның Норлат муниципаль районында сайлаучылар белән очрашуда Вишнево - Полянка авыл клубы җитәкчесе Зоя Алексеевна Исаева эшчәнлек өчен компьютер җиһазлары сораган иде.
Үтенечне Россия Федерациясе Федераль җыелышының мәдәният буенча Дәүләт Думасы комитеты рәисе Елена Александровна Ямпольская үтәргә карар кылды.
Бүген 6 май Елена Александровна Ямпольска шәхсән үзе Казанга Зоя Алексеевна белән очрашу өчен килде.
Очрашу Татарстан Республикасы Мәдәният министрлыгы бинасында ТР мәдәният министры Ирада Әюпова катнашында җылы һәм дустанә атмосферада чәй табыны артында узды.
«Тылда батырлык» марафоны кысаларында 11 май 11:00 сәгатьтә Казан (Идел буе) федераль университетында «Тылда хезмәт батырлыгы: Сурский һәм Казан оборона рубежларын төзү» төбәкара фәнни-гамәли конференциясе узачак. Ачык дискуссиядә профессиональ тарихчылар һәм краеведлар, фәнни хезмәткәрләр, барлык дәрәҗәдәге мәгариф структуралары укытучылары, аспирантлар чыгыш ясаячак.
Сәламләү сүзе белән Татарстан Республикасы мәдәният министры Ирада Әюпова һәм Чуаш Республикасы мәдәният министры Светлана Каликова чыгыш ясаячак.
2022 елның I кварталында Татарстанда театрларга йөрүчеләрнең саны 2021 елның шул ук чоры белән чагыштырганда 37 % үскән.
2022 елның I кварталында Камал һәм Качалов театры (икесе дә - 41 000 түләүле йөрүләр), опера һәм балет театры (33 меңнән артык) һәм «Әкият» курчак театры (32 меңнән артык) лидер булдылар.
Йөрүчеләрнең саны артуда "Пушкин картасы" - мәдәният өлкәсендәге федераль проект зур роль уйнады, ул 2021 елның сентябрендә эшли башлады.
13 һәм 26 июньдә 17:30 һәм 20:30 сәг Истинда Островский урамында, 14 йорта "Бәхетле Шарлотта" моноспектакле куелачак, ул театрның баш режиссеры Радион Букаев постановкасында 18 яшьтән өлкәнрәк тамашачылар өчен булачак.
Спектакльнең премьерасы 29 майга планлаштырылган, барлык билетлар сатылган.
Бүген Татарстан Мәдәният министрлыгында ведомство карамагында булган мәдәни учреждение җитәкчеләре, муниципаль районнарның мәдәният бүлеге башлыклары катнашында мәдәният учреждениеләрендә статистик мәгълүматларны санау методикасы мәсьәләләре буенча киңәйтелгән киңәшмә узды.
Киңәшмәдә музей эше, театр сәнгате, китапханә эше, кинематография өлкәсендә проект офислары җитәкчеләре чыгыш ясады.
Пандемия чоры башыннан учреждениеләр эшчәнлеге күрсәткечләре, мәдәни яараларга килү динамикасы, статистик мәгълүматлар белән эшләү мәсьәләләре, тармакны цифрлаштыру һәм мәгълүматларны исәпкә алу процессын оптимальләштерү турында хәбәр ителде.
2022 елның I кварталында Татарстан музейларына йөрү, 2021 елның шул ук чоры белән чагыштырганда, 17,8 % үсте. Күрсәткечләр сөендерә, чөнки 2020 елда ковид чикләүләреннән соң республикада музейларга килүчеләр саны чирек күләмендә диярлек кимеде. Шуңа да карамастан, узган ел пандемияга кадәр булган күрсәткечләр дәрәҗәсе үз хәленә кайтарылды, ә бүгенге көндә - арттырылды.
Бу хакта Татарстан Республикасы Милли музее генераль директоры Алиса Вяткина сөйләде, төп музей төбәкнең бөтен музей тармагы өчен проект офисы булып тора. Әлеге саннар Татарстан Мәдәният министрлыгында 5 май көнне киңәйтелгән киңәшмәдә яңгырады.
2022 елның 9 маенда Казанда Бөек Ватан сугышында Җиңүнең 77 еллыгын бәйрәм итү кысаларында «Үлемсез полк» Бөтенроссия акциясе узачак.
Ел саен чарада мәдәният өлкәсенең меңләгән вәкиле катнаша, чөнки бу акция 1941-1945 елларда Бөек Ватан сугышында катнашкан якыннарын һәм туганнарын искә алу мөмкинлеге.
7 май 13:00 сәгатьтә М.Җәлил исемендәге Татар академия дәүләт опера һәм балет театрында Татарстан Республикасы Президенты Р.Н. Миңнеханов катнашында Бөек Ватан сугышында Җиңүнең 77 еллыгын бәйрәм итүгә багышланган ветераннар һәм тыл хезмәтчәннәре катнашында тантаналы концерт булачак.
ММЧ вәкилләре өчен аккредитация 2022 елның 6 маенда 13:00 сәг. кадәр түбәндәге почта аша алып барыла: Daniil.Plaksin@tatar.ru. ФИО, туган көн, вазифа, ММЧ исеме һәм контакт телефонын күрсәтү сорала. Белешмәләр өчен телефон: +7(927)031-04-42, ТР Мәдәният министрлыгының ММЧ һәм иҗтимагый оешмалар белән хезмәттәшлек бүлеге белгече Даниил Плаксин.
2022 елның 17 маенда 18.30 сәг. Габдулла Тукай исемендәге татар дәүләт филармониясендә Татарстан Республикасы филармония джаз-оркестры концерты булачак. Сәнгать җитәкчесе һәм дирижер - Сергей Васильев.
Концертта джазның алтын фондыннан инструменталь һәм вокаль музыка яңгыраячак. Концертны «Пушкин картасы» программасы буенча карарга була.