ЯҢАЛЫКЛАР
2024 елның 7-9 ноябрендә Татарстан Республикасының Казан шәһәрендә Габдулла Тукай әдәби музеенда Семей шәһәре Абай исемендәге өлкә универсаль китапханәсе «Китап шедеврлары — кыйммәтле мирас» дип аталган экспозицион күргәзмәне тәкъдим итәчәк. Казан шәһәрендә яшәүчеләр һәм кунаклар өчен Абай исемендәге китапханәнең сирәк фондыннан китаплар белән танышу мөмкинлеге тудырылачак. Экспозиция ике бүлектән торачак: «Гасырлар авазы белән яңгыраган рухи мирас» һәм «Казанда басылып чыккан китап раритетлары».
Җиңүчеләрне театр шефлыкка алачак.
8 ноябрь 13.00 сәгатьтә Кәрим Тинчурин исемендәге Татар дәүләт драма һәм комедия театрында гаилә һәм мәктәп театрларының «Гаилә тарихы», «Театрның яше юк» II Республика фестиваль-конкурсының гала-концерты узачак.
7 ноябрьдә Татарстанның Милли музеенда “Марсель Сәлимҗанов: театр тылсымы” күргәзмәсе эшли башлый. Бу Татарстан Республикасы Фәннәр академиясенең Г.Камал исемендәге музей, Татар дәүләт академия театры, Г.Ибраһимов исемендәге ИЯЛИ уртак проекты. Күргәзмә режиссерның туган көнендә узачак.
Казахстан Республикасы Абай өлкәсенең мәдәният көннәре кысаларында, 2024 елның 9 ноябрендә Казан шәһәрендә С. Саид-Галиев исемендәге Мәдәният сараенда Абай өлкәсе хакимияте эстрада-симфоник оркестрының концерт программасы узачак. Оркестрның дирижеры — "Фидакарь хезмәт өчен" медале иясе Кенжегүл Акшекина.
3 ноябрьдә Алабуга дәүләт музей-тыюлыгы гадәттәгечә "Сәнгать төне" Бөтенроссия акциясенә кушылды. Бу акция безнең илдә 2013 елдан бирле девиз белән уздырыла. Быел ул "Россия берләштерә" девизы астында узды. «Сәнгать төне»нең төп идеясе - Россиянең мәдәни мирасының күптөрлелеген һәм байлыгын күрсәтү, кешеләрне туплау һәм аларны сәнгатьнең төрле төрләре белән танышуга рухландыру.
2 ноябрь көнне ТР Милли китапханәсенең конференц-залында Алсу Сөнгатуллинаның авторлык кичәсе - композитор, пианист, РФ һәм ТР Композиторлар берлеге әгъзасы, бөтенроссия һәм халыкара конкурслар лауреаты Алсу Сөнгатуллинаның иҗат кичәсе булды.
Бүген, 5 ноябрьдә, М.Җәлил исемендәге Татар академия дәүләт опера һәм балет театрының баш дирижеры, Россиянең атказанган артисты, Татарстанның халык артисты, Казахстанның атказанган эшлеклесе, Г.Тукай исемендәге Дәүләт премиясе лауреаты Ренат Салават улы Салаватов үзенең 75 яшьлек юбилеен билгеләп үтә.
5 ноябрьдә 21.00 сәгатьтә ТНВ телеканалында режиссер А.Барыкинның Р.С.Салаватовның тормышына һәм иҗатына багышланган "Руки маэстро" документаль фильмы күрсәтеләчәк. Картина «Иң яхшы документаль милли фильм» номинациясендә XX Халыкара «Алтын Минбар» кинофестивале призына лаек булды.
Казанлылар Халыклар бердәмлеге көне алдыннан "Зур этнографик диктант" язганнар.
2024 елның 7 ноябрендә Казан Кремленең Күргәзмәләр залында «Бөтен кешелек дөньясын үз туганы буларак ярат...» күргәзмәсе ачылачак. Проектны Абай өлкәсе Мәдәният көннәре кысаларында «Жидебай-Бөрілі» дәүләт тарихи-мәдәни һәм әдәби-мемориаль музей-тыюлыгы әзерли.
Тинчурин театры – премиянең лонг-листына кергән Россиянең бердәнбер милли театры.
К.Тинчурин исемендәге Татар дәүләт драма һәм комедия театры беренче тапкыр «Театрның музыкаль йөрәге» Милли фестивале һәм премиясендә катнашачак. Фестиваль дәвамында 17 ноябрьдә 18.00 сәгатьтә М.Горький исемендәге Самара академия драма театры сәхнәсендә тинчуринлылар «Флешка, рэп һәм мәхәббәт» хип-хоперасын тәкъдим итәчәк.