ЯҢАЛЫКЛАР
X Халыкара вокалистлар «Сандугач-Соловей» конкурсында катнашырга чакырабыз.
Гаризалар 2023 елның 24 февраленә кадәр кабул ителә. Конкурс турында тулырак Нигезләмәдә танышырга мөмкин.
8, 11 һәм 15 февральдә С.Сәйдәшев исемендәге Дәүләт Зур Концертлар Залы сәхнәсендә Нәҗип Җиһанов исемендәге VIII татар музыкасы “Мирас” фестивале кысаларында Татарстан Республикасы Дәүләт академия симфоник оркестрының сәнгать җитәкчесе һәм баш дирижеры, Россиянең һәм Татарстанның халык артисты, профессор Александр Сладковский булдырган концертлар узачак.
94 нче яшендә Казан әдәби мәктәбенең аксакалы, дөньякүләм танылган филолог, сәнгать белгече, татар этноавангардын өйрәнүдә зур хезмәт куйган Йолдыз Галимҗан кызы Нигъмәтуллина якты дөньядан китеп барды.
2023 елның 2 февралендә Сталинград сугышында совет гаскәрләренең немец-фашист гаскәрләрен тар-мар итүенең 80 еллыгы билгеләп үтелә.
Бу истәлекле көн хөрмәтенә, 2023 елның 4 февралендә Казанда Советлар Союзы Герое, 38 нче укчы дивизия командиры һәм 25 нче гвардия укчы корпусы (7 нче гвардия армиясе), генерал-лейтенант Сафиуллин Гани Бекин улына (01.07.1905 - 14.10.1973) мемориаль такта ачу тантанасы узачак.
9 февраль көнне 16:00 сәгатьтә Татарстан Республикасы Дәүләт сынлы сәнгать музееның «Хәзинә» сәнгать галереясендә ТР халык рәссамы Рабис Сәлаховның 65 еллыгына багышланган «Милли көйләр эзеннән» дип исемләнгән күргәзмәсе ачыла.
«ВдохНовение» төбәкара Хәйрия фонды «Таң канатлары» төбәкара әдәби конкурс-проектын уздыра. Чараның максаты - рус әдәбиятын торгызу һәм яңа талантлар ачу, алар тудырган әсәрләрне гамәлгә ашыру, шулай ук балалар, яшүсмерләр, яшьләр, Россия Федерациясе гражданнары арасында китап укучылар санын һәм иҗади активлыкны арттыру.
2023 елның 14 - 16 февралендә «Казан Кремле» Музей-тыюлыгының «Эрмитаж-Казан» үзәге лекториясендә һинд мәдәниятенә багышланган «Күпкырлы Һиндстан» лекцияләр циклы узачак. Очрашуларда һинд сәнгате һәм аның үрнәкләре турында сөйләячәкләр.
Арча районында Советлар Союзы Герое, генерал-лейтенант Сафиуллин Ганиның туган ягында, Иске Кишет авылында Сталинград сугышының 80 еллыгына багышланган истәлекле чаралар узды. Юнармия волонтерлары генерал обелискына чәчәкләр салдылар. Советлар Союзы Герое Г.Б.Сафиуллин истәлегенә музей комплексы ветераннарының балаларын җыйдылар, алар үзләренең ата-бабалары - якташның тормыш шаһиты булган истәлекләре белән уртаклаштылар.
Татарстан Республикасында «Мәдәни мохит» федераль проектын гамәлгә ашыру кысаларында Яр Чаллы шәһәрендә «Мәдәният» милли проектын гамәлгә ашыру кысаларында модель китапханә барлыкка киләчәк. Аны Яр Чаллы шәһәренең Үзәк балалар китапханәсе базасында төзиләр.
ТР Милли музее һәм Галиәсгар Камал исемендәге Татар академия театры җитәкчеләре Рязаньда узган форумда партнёрлык тәҗрибәсе белән уртаклаштылар, чарада илебезнең мәдәният һәм туризм эшлеклеләре җыелган иде. Форум 2-3 февральдә "Россиянең музей маршрутлары" бөтенроссия проекты кысаларында уза.