Минзәлә янында «Семык» марый халкы мәдәнияте бәйрәме уздырыла

13 июньдә Минзәлә муниципаль районының  Калтак авылында  «Семык» марый халкы мәдәнияте бәйрәме уздырыла.  

Марыйларның борынгы бәйрәме «Семык» җәй башында үткәрелә. Халык бу көнне бакыйлыкка күчкән туган-тумачаларын искә ала, аларның рухына дога кыла, хуҗалык һәм көнкүреш эшләрендә алардан фатиха сорый.  Хәзерге вакытта  «Семык» фестиваль рәвешен алды. Анда катнашучыларның милли костюмнар киюе шарт. Халык җыр-биюләре, уен-бәйгеләре, милли инструменталь музыка  – бәйрәм бизәге. Моннан тыш, «Марый гүзәле –2015»  республика конкурсы да берәүне дә битараф калдырмастыр.  Бәйрәмдә республиканың төрле район-шәһәрләреннән,  Йошкар-Ола шәһәреннән өч йөз тирәсе артист катнашыр дип көтелә.  

Өстәмә мәгълүмат: http://www.tatfolk.ru/.

Хөрмәтле журналистлар!

Мәкалә язу мәсьәләләре буенча 89172699567 телефонына шалтыратырга мөмкин (Фәнзилә Хәким кызы, Традицион мәдәниятне үстерү республика үзәге).

Татарстан Республикасы Мәдәният министрлыгының Матбугат хезмәте