ЯҢАЛЫКЛАР
Бүген бөек сынчы, педагог, ТАССР һәм РСФСРның атказанган сәнгать эшлеклесе, ТАССРның халык рәссамы Ахун Садри Сәлах улының тууына 120 ел тула.
Хөрмәтле театр хезмәткәрләре, сәнгать эшлеклеләре һәм театр сөючеләр! Халыкара театр көне уңаеннан ихлас тәбрикләремне кабул итегез!
Әлеге сәнгать төренең әһәмияте монументаль. Бүгенге көндә югары технологияләр заманында тамашачыларга шәхеснең чын образын, сөйләм теленең сихри көчкә ия булуын күрсәтүче һәм гаҗәеп тәэсир итүче, алыштыргысыз сәнгать төре - нәкъ менә театр. Татарстан Республикасы- Россиянең классик һәм милли театр традицияләре уңышлы үсеш алган иң әһәмиятле театр үзәкләренең берсе.
«Мәдәният» милли проекты һәм республика җитәкчелеге ярдәме белән театрларның матди-техник базасын ныгыту, профессиональ кадрлар әзерләү, гастроль эшчәнлекне камилләштерү буенча эш дәвам итә.
Республикабызның театр индустриясенең уңышлары елдан-ел арта бара. Татарстанның соңгы иң күренекле казанышы-ватан театр сәнгатен үстерүгә керткән өлеше өчен Г.Камал исемендәге татар дәүләт академия театры режиссеры Айдар Җәббаров Россия Федерациясе Президентының премиясе белән бүләкләнде.
Халыкара театр көнендә без традиция буларак Әлмәт шәһәрендә «Тантана» театраль премиясенә йомгак ясыйбыз. Быел театр сәнгате өлкәсендә Зәкия Туишева исемендәге яңа премияне тапшыру тантанасы узачак. Идел буе федераль округының «Театраль Идел буе» иҗтимагый проектының балалар һәм яшьләр театр коллективлары Фестивалендә җиңүчеләр дә игълан ителәчәк.
Кадерле дуслар! Сезгә нык сәламәтлек, иҗади уңышлар, дәртле алкышлар, чын театр сәнгатен хөрмәт итүче һәм сөюче тамашачыларыгыз булуын телим! Сезнең спектакльләрегез һәрвакыт халык күңелен яуласын иде!
Хөрмәтле мәдәният хезмәткәрләре, сәнгать эшлеклеләре, кадерле ветераннарыбыз! Сезне чын күңелдән Мәдәният хезмәткәре көне белән тәбрик итәм!
Г.Камал исемендәге Татар дәүләт Академия театры режиссеры Айдар Җәббаровка яшь мәдәният эшлеклеләре өчен Россия Федерациясе Президенты премиясе бирелде. Бүген тиешле карарга Россия Президенты Владимир Путин кул куйды. Режиссерга әлеге премия Ватан театр сәнгате үсешенә керткән өлеше өчен тапшырылды.
Татар музыка сәнгате зур югалту кичерде – 2023 елның 19 мартында 90 нчы яшендә легендар җырчыбыз, үзенең бөтен иҗат эшчәнлеген, барлык талантын классик музыка сәнгатен үстерүгәһәм популярлаштыруга багышлаган күренекле шәхес, Россиянең атказанган һәм Татарстанның халык артисты Эмиль Усман улы Җәләлетдинов арабыздан мәңгелеккә китте.
Оренбургта Татарстанның әйдәп баручы коллективларының берсе – ТР Дәүләт җыр һәм бию ансамбле гастрольләре башланды. 10 концерт “Без – Россия” федераль программасы кысаларында, РФ Мәдәният министрлыгының Бөтенроссия гастроль-концерт планы нигезендә уза. Программа “Росконцерт” федераль дәүләт бюджет мәдәният учреждениесе тарафыннан гамәлгә ашырыла.
Кичә 2023 елның 13нче мартында Татарстан Республикасы Мәдәният министрлыгында Габдулла Тукай исемендәге Татарстан Республикасы Дәүләт премиясе буенча ТР Рәисе каршындагы Комиссия утырышы узды. Ул 2023 елда Габдулла Тукай исемендәге Татарстан Республикасы Дәүләт премиясенә тәкъдим ителгән әсәрләрне һәм эшләрне карауга багышланган иде.
Бүген Татарстанның халык артисты, яраткан җырчыбыз Флюра Сөләйманованың туган көне. Флюра апа үзенең бөтен иҗат эшчәнлеген, талантын җыр сәнгатен үстерүгә юнәлткән бөек шәхес, ул татар дөньясының моң патшабикәсе.
2022 нче елда Казан Мэры инициативасы белән ачылган «Апуш» татар балалар театр студиясе 1 яшьлек туган көнен бәйрәм итәчәк.
13 нче март көнне 17:00 «Сәйдәш» мәдәният үзәгендә «Апуш» татар балалар театр студиясе музыкаль-театраль тамаша форматында зур бәйрәм оештыра. Биредә «Сәйдәш», «Чулпан» мәдәният үзәкләрендә һәм Ленин исемендәге мәдәният йортында шөгыльләнүче барлык укучылар 1 ел буена өйрәнгән эш нәтиҗәләрен күрсәтәчәк, яңалыклары, казанышлары белән уртаклашачак.
13-23 март көннәрендә Халыклар Дуслыгы дәүләт ордены Татарстан Республикасы җыр һәм бию ансамбле Оренбург өлкәсендә 10 концерт бирәчәк. Чаралар «Без – Россия» федераль программасы кысаларында РФ Мәдәният министрлыгының Бөтенроссия гастроль-концерт планы нигезендә уздырыла. Программа «Росконцерт» федераль дәүләт бюджет мәдәният учреждениесе тарафыннан гамәлгә ашырыла.