Казанда «Филармониада» сәнгать фестивале узачак
5 –14 декабрьдә Казанда җиденче тапкыр «Филармониада» сәнгать фестивале узачак. Анда СССРның халык артисты Владимир Зельдин, Мария театры солистлары, Мәскәү театрлары артистлары, Мәскәүдән «Musica Viva» камера оркестры, «Gospel Live Revue» вокал коллективы (АКШ), «Artnovi Quartet» кыллы квартеты (Мәскәү), «Twins Piano Duo» электрон төркеме (Мәскәү), Тэ-Хен-Ким (Көньяк Корея), төрки илләрдән сәнгать әһелләре, «Евгений Панфилов балеты» театры, Татар дәүләт филармониясе коллективлары катнаша.
Бүген Г.Тукай исемендәге Татар дәүләт филармониясендә фестивальгә багышланган матбугат конференциясе булды.
“Филармониада”да тугыз көн эчендә 150 артист катнашачак. Чараларга 6000 тамашачы килер дип көтелә.
+7 843 277 18 12, +7 9053126758
Татарстан Республикасы Мәдәният министрлыгының Матбугат хезмәте