5 апрельдә үзенең туган көне уңаеннан Татарстан Республикасы Милли музее традицион рәвештә Ачык ишекләр көне уздырды
119 ел элек, 1895 елның 5 апрелендә Казан шәһәре фәнни-сәнәгать музее, хәзерге Татарстан Республикасы Милли музее эшли башлый. Быелның 5 апрелендә музей шушы уңайдан традицион Ачык ишекләр көне уздырды. Бу көнне музейда төрле чаралар, осталык-дәресләре, лекцияләр, кызыклы экскурсияләр үтте.
Бәйрәм кунакларына кечкенә миниатюралардан төзелгән «Микроскоп аша могҗизалы дөнья күрәм» күргәзмәсе, декоратив кимерүче җәнлекләр күргәзмәсе, музей турындагы фильмнар, лекцияләр тәкъдим ителде, фондлар белән таныштыру булды .
Милли музей тарихында беренче тапкыр буларак аның ишегалдында киләчәк буыннарга атап язылган хат салынган «хәтер капсуласы» күмелде. Шуннан соң һавага шарлар очырылды.
(843) 292-32-18. www.tatmuseum.ru
Татарстан Республикасы Мәдәният министрлыгының Матбугат хезмәте