Муса Җәлил исемендәге Татар дәүләт академия опера һәм балет театры сәхнәсендә «Порги и Бесс» операсы концерт башкаруында яңгырады
Кичә, 5 февральдә Ф. Шаляпин исемендәге Халыкара опера фестивале кысаларында Муса Җәлил исемендәге Татар дәүләт академия опера һәм балет театры сәхнәсендә «Порги и Бесс» операсы концерт башкаруында яңгырады.
Бу кичтә партияләрне төрле илләр артистлары башкарды: Порги ролендә – Германиядән Терри Кук, Бесс ролендә АКШтан Лакита Митчелл, Джек ролендә – аның ватандашы Нейл Нельсон, бөекбританияле Рональд Самм Спортинг Лайф партиясен башкарды, Мәскәүдән Алексей Дедов Краун ролен уйнады. Клара ролендә – Австриядән Мельба Рамос, Сирина – Мәскәүдән Анна Кейта, Мария – шулай ук Россия башкалысыннан Александра Саульская-Шулятьева.
Тамашачылар күңеленә спектакль хуш килде, алар артистларны спектакльдән соң алкышлап, чәчәкләр бүләк итеп, озак кына сәхнәдән җибәрмәделәр.
Татарстан Республикасы Мәдәният министрлыгының Матбугат хезмәте