«Хәзинә» милли сәнгать галереясендә «Совет чоры реалистик сәнгате» күргәзмәсе ачылды

Кичә  Казанда «Хәзинә» милли сәнгать галереясендә «Совет чоры реалистик сәнгате» күргәзмәсе ачылды.  

Әлеге күргәзмә - «Татарстанның сәнгать хәзинәсе» проектыннан. ТР Сынлы сәнгать музеенда Совет чоры сәнгать әсәрләреннән бай коллекция тупланган.  Музейда  Н.П.Крымов, М.В.Нестеров, Е.Е.Лансере, А В.Куприн, И.И.Машков, А.В.Герасимов, Б.В.Иогансон, А.А.Мыльников, Ф.П.Малаев, М.Ю.Кугач, абыйлы-энеле Смолиннар, Л.В.Кабачек А.А.Җәфәров,  Н.С.Касумов кебек танылган рәссамнарның  эшләре саклана.

Күргәзмә тарихи-хронологик принципка нигезләнеп төзелгән. Беренче залда Сталин чорында, ә калганнарында - «җепшеклек» чорында иҗат ителгән картиналар куелган. 

Күргәзмә ике ай дәвам итәчәк.

Татарстан Республикасы Мәдәният министрлыгының Матбугат хезмәте