Менделеевскида «Пастернак укулары» - өченче халыкара әдәби-театр фестивале узачак
Быел фестиваль ике көнлек булачак, ул 20-21 сентябрьдә узачак. Бу көннәрдә Менделеевск театр башкаласы булачак. Анда башкала театрлары труппалары, танылган актерлар, музыкантлар, шагыйрьләр җыелачак.
Традиция буенча, фестиваль - ул классик музыка белән классик әдәбиятның уникаль ярашуы. Шулай итеп, пианист Родион Кравкель белән бергә актер Антон Кукушкин Бродский, Пушкин, Саша Черный, Вера Полозкова һәм башка авторларның шигырьләрен укыячак. Проектның бер өлеше Петербург актеры һәм режиссеры Павел Михайлов булачак.
Павел Михайлов шулай ук интерактив спектакль уздырачак, анда һәр тамашачы әдәби перфомансның автордашы була алачак.
Бу елның хедлайнеры Россия Федерациясенең атказанган артисты Дмитрий Дюжев булачак. 21 сентябрьдә ул Менделеевскида «Евгений Онегин»спектаклен күрсәтәчәк.