«ЭтНик: кадрлар хәл итә» Бөтенроссия проектының онлайн-программасы старт ала

2024 елның 26 ноябре, сишәмбе

«ЭтНик: кадрлар хәл итә» Бөтенроссия проектының онлайн-программасы старт ала.

Әлеге проект М.В. Ломоносов исемендәге МДУ дәүләт идарәсе факультетының этникара һәм конфессияара мөнәсәбәтләр өлкәсендә идарә кафедрасы, милләтара, динара мөнәсәбәтләр һәм миграция буенча РФ Иҗтимагый палатасы комиссиясе, «Россия халыклары йорты» ФДБУнең Президент грантлары фонды һәм Милләтләр эшләре буенча федераль агентлык ярдәмендә «Россия халыклары йорты» ФДБУ белән партнерлыкта гамәлгә ашырыла.

Проект өч этапта узачак.

Проектның беренче этабында, яшенә һәм белеменә бәйсез рәвештә, теләге булган һәркем катнаша ала. Икенче һәм өченче этаплар 21 яшьтән 35 яшькә кадәрге яшь белгечләр өчен ачылачак.