Татарстан Республикасы «Уникаль Россия» IV Сәнгать-сәнәгать күргәзмәсендә эшләнмәләр күрсәтте
Бүген Мәскәүдә «Уникаль Россия» IV Сәнгать-сәнәгать күргәзмә-форумы ачылды. Татарстан Республикасын чарада республиканың әйдәп баручы дизайнерлары һәм халык сәнгать һөнәрләре һәм һөнәрчелеге осталары тәкъдим итә.
«Уникаль Россия» - Россиянең декоратив-гамәли, зәркән сәнгатенең һәм халык сәнгать һөнәрләренең бөтен төрлелеген күрсәтә торган иң зур күргәзмә. Чара төрле эшлекле, мәдәни һәм конкурс программалары, модалы күрсәтүләр һәм презентацияләр белән үрелеп бара.
Күргәзмәгә быел Россиянең аерым төбәкләренә аерым игътибар биреләчәк. Коллектив стендларны Татарстан, Кырым, Приморье крае, Бурятия, Тыва, Камчатка, Волгоград һәм Калуга өлкәләре әзерли, шулай ук үз эшләре белән Мәскәү һәм Санкт-Петербург мастерлары чарасы кунакларын гаҗәпләндерәчәк. Барлыгы Россия Федерациясенең 78 төбәгеннән тәкъдим ителәчәк.