Татарстан Республикасы халкын «Театраль Идел буе» балалар һәм яшьләр коллективлары фестиваленең округ этабында иң яхшы афиша яисә плакат конкурсында катнашырга чакыралар
Татарстан Республикасы халкын «Театраль Идел буе» балалар һәм яшьләр коллективлары фестиваленең иң яхшы афишасын яисә плакатын эшләү конкурсында катнашырга чакыралар. Конкурста катнашу өчен гаризаны 2023 елның 15 февраленә кадәр бирергә мөмкин.
Анда 6 яшьтән 30 яшькә кадәр Идел буе федераль округында яшәүче гражданнар чакырыла.
Конкурска төбәк һәм округ этаплары кысаларында спектакльләр һәм фестивальнең аерым вакыйгаларын уздыру турында хәбәр итә торган компьютер технологияләрен, фестивальне популярлаштыручы график эш программаларын кулланып башкарылган эшләр кабул ителә.
Җиңүчеләргә 1,2,3 урынга дипломнар һәм истәлекле бүләкләр тапшырыла.
Барлык катнашучылар да конкурс дипломнарын алачак.
Конкурс 2023 елда «Театраль Идел буе» фестивале финалы көненә кадәр дәвам итә:
- гаризалар кабул итү - 2023 елның 15 февраленә кадәр;
- эксперт бәяләмәсе - 2023 елның 27 февраленнән 10 мартына кадәр;
- Нәтиҗәләр ясау - 2023 елның март аенда.
Конкурс турында тулырак мәгълүмат
Конкурста катнашуга гариза бирү