"Әкият" курчак театрының сәнгать җитәкчесе Илгиз Зәйниев "Алтын битлек - 2023" жюри составына керде

2022 елның 14 декабре, чәршәмбе

12 декабрьдә РФ Театр әһелләре берлеге секретариаты 2023 елда "Алтын битлек" Россия Милли театр премиясенең жюри составын раслады. Исемлеккә "Әкият" курчак театрының сәнгать җитәкчесе, Татарстан Республикасының атказанган сәнгать эшлеклесе, Муса Җәлил исемендәге республика премиясе лауреаты Зәйниев Илгиз Газинур улы керде.

Исегезгә төшерәбез, элегрәк Илгиз Зәйниевның "Әлфия" спектакле "Алтын битлек - 2021" лонг-битенә кергән иде. Аның куелышындагы "Адәмнәр" спектакле 5 номинациядә "Алтын битлек - 2022" Россия милли театр премиясенә номинацияләнгән. Искә төшерик, Татарстан курчак театрлары арасында 2018 елда "Алтын битлек"нең беренче номинанты Илгиз Зәйниев тарафыннан Яр Чаллы курчак театрында куелган "Сак-Сок" спектакле булды.