РФ Президенты: "Россиянең йогынтысын ныгыту мәдәнияткә һәм үз тарихыңны белүгә бәйле»
Бу елның төп темасы – "Глобаль каршылык - XXI: кеше, кыйммәтләр, дәүләт".
Клубның финал чарасы Россия Федерациясе Президенты Владимир Путин катнашында пленар утырыш булды.
"Без бик зур үзгәрешләр чорында яшибез", — диде Владимир Путин үзенең чыгышында. Россия Президенты сүзләренчә, хәзер дөнья концептуаль, хәтта цивилизацияле кризис белән эш итә. Әмма бу мөмкинлекләр чоры, аны кулдан ычкындырырга ярамый. "Мәсьәлә-кайсы якка хәрәкәт итәргә, нәрсәдән баш тартырга, нәрсәне яңадан карарга яки төзәтергә кирәк. Чын кыйммәтләр өчен көрәшергә кирәк, аларны һәряклап көч куеп якларга кирәк», — дип белдерде Дәүләт Башлыгы.
Президент мәдәният һәм кыйммәтләр системасына кагылышлы күп тезислар әйтеп үтте. Гомумән, Россиянең йогынтысын ныгыту үз тарихыңны белүгә һәм мәдәниякә бәйле дип ассызыклады.
Пленар утырышта Татарстан делегациясе дә катнашты. Форум нәтиҗәләре буенча Татарстан Республикасы мәдәният министры Ирада Әюпова үткәрелгән дискуссиянең мөһимлеген, күтәрелгән мәсьәләләрнең актуальлеген һәм аларны тормышка ашыруның иң мөһим мөмкинлеген билгеләп үтте.
Әйтеп үтик, Ирада Әюпова «Россия һәм дөнья: глобаль контекстта милли идея» темасына алтынчы сессия спикеры булды. Ул мәдәният темасына һәм аның дөньяга йогынтысы темасына багышланган иде.
Очрашуда яңа мәгънәләрне генерацияләү, мәдәни «кодлар», пандемиядән соң икътисад, креатив кластерлар үсеше һ. б. мәсьәләләр күтәрелде.