ЯҢАЛЫКЛАР

3 июльдә Татарстан Республикасы Министрлар Кабинетында 2015 елгы Спортның су төрләре буенча ФИНАның 16 нчы дөнья чемпионаты милли партнерлары белән ниятләр турындагы килешүгә һәм  Aqua Comedy Club проекты оештыручысы – «Колизей» вакыйгалар үзәге белән Чемпионатның мәдәни программасы кысаларында хезмәттәшлек турында килешүгә кул кую тантанасы узды.   

5 июльдә көндезге сәгать өчтә «Свияжск утрау-шәһәрчеге» музее территориясендә Мәскәүнең   Б.А.Покровский исемендәге дәүләт  академия Камера музыка театрының  «Ростовское действо» дигән спектакле  «Зур гастрольләр»  федераль программасы кысаларында күрсәтеләчәк.  

2012-2015 елларда «Авыл клублары» программасы нигезендә төзелгән күпфункцияле мәдәният үзәкләрендә Камал театры, әйтик,   «Бабайлар чуагы» һәм «Мулла», Т. Миңнуллин исемендәге Түбән Кама театры –  «Мәдинәм-гөлкәем» һәм «Нәзер», Тинчурин театры – «Алтын көз», Казан Яшь тамашачылар театры – «Мәче һәм мәхәббәт хакында», Кариев театры – «Кичер мине, әнкәй!», Әтнә театры – «Яшел эшләпә», Минзәлә театры – «Тилмереп дога көткәннәр» спектакльләрен күрсәтәчәк.

Татарстан Республикасы Фольклор музыкасы дәүләт ансамбленең беренче, фестивальдән тыш чыгышы, 21 июльдә нефтьчеләр шәһәре Карамайда  уза. 200 елдан артык тарихлы  Урумчида чыгышлар 22–25 июльгә, уйгурлар күпләп яшәгән борынгы Аксу шәһәрендә 26 июльгә тәгаенләнгән. 

Г.Кариев исемендәге Казан татар дәүләт яшь тамашачылар  театры артистлары җәен да кызыклы тормыш белән яши. Республикабызның табигать кочагында урнашкан җәйге сәламәтләндерү лагерьларында, балалар бакчаларында, парк-скверларда  чыгыш ясыйлар.