Кариев театры Арчада булды
Г.Кариев исемендәге Казан татар дәүләт яшь тамашачылар театры артистлары җәен да кызыклы тормыш белән яши. Республикабызның табигать кочагында урнашкан җәйге сәламәтләндерү лагерьларында, балалар бакчаларында, парк-скверларда чыгыш ясыйлар.
Артистлар җәйге чорда “Ак Барс маҗаралары” аша спорт белән шөгыльләнү һәрвакыт актуаль икәнен искәртсә, “Супер-светофор” (Аманулла) спектакле җәен юл йөрү кагыйдәләрен истән чыгармаска ярдәм итә. Ялдан соң кабат ыгы-зыгылы транспорт юлларына кайткач, югалып калмаска өнди. «Керпе малае дуслар эзли» (Р.Корбан) балаларның җәйге ялын тагын да күңелләндереп җибәрә.
2 июль көнне Г. Кариев исемендәге яшь тамашачы театры артистлары Арчада чыгыш ясады. Алар Арчаның 2,5,10 нчы номерлы балалар бакчаларында Аманулланың «Супер-светофор» исемле юл кагыйдәләрен саклауга багышланган спектакль куйды. Әлеге тамашаны Арчаның 216 баласы карады.
Ә Әлмәттә Х. Ибраһимның «Ак барс маҗаралары» тамашасын күрсәтте.